Thrissur Pooram Security Tightened After Pahalgam Attack

തൃശൂർ◾: പഹൽഗാം ആക്രമണത്തിന്റെ പശ്ചാത്തലത്തിൽ തൃശൂർ പൂരത്തിന് സുരക്ഷ ശക്തമാക്കുമെന്ന് ഡിജിപി ഷെയ്ഖ് ദർവേഷ് സാഹിബ് അറിയിച്ചു. പൂരത്തിന് പ്രത്യേക കമാൻഡോകളെ നിയോഗിക്കുന്നതിനൊപ്പം ആന്റി ഡ്രോൺ സംവിധാനവും ഏർപ്പെടുത്തും. മനോജ് എബ്രഹാം നടത്തിയ ത്രിതല അന്വേഷണം പൂർത്തിയായതായും ഡിജിപി വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തൃശൂർ പൂരത്തിന്റെ സുഗമമായ നടത്തിപ്പിനായി രണ്ടുമാസം മുൻപുതന്നെ പോലീസ് നടപടികൾ ആരംഭിച്ചിരുന്നു. 4000ത്തിലധികം പോലീസുകാരെ വിന്യസിക്കും. 35 ഡിവൈഎസ്പിമാരുടെ നേതൃത്വത്തിലാകും സുരക്ഷാ ക്രമീകരണങ്ങൾ.

കഴിഞ്ഞ വർഷത്തെ തൃശൂർ പൂരവുമായി ബന്ധപ്പെട്ട അന്വേഷണം നടന്നുവരികയാണെന്നും ഡിജിപി പറഞ്ഞു. ഇത്തവണ ഒരു പ്രശ്നവുമില്ലാതെ പൂരം നടത്താനുള്ള എല്ലാ ശ്രമങ്ങളും നടത്തിയിട്ടുണ്ട്. കഴിഞ്ഞ തവണത്തെ പ്രശ്നങ്ങൾ ഇപ്പോൾ ചർച്ച ചെയ്യുന്നത് പ്രസക്തമല്ല.

തൃശൂർ പൂരത്തെക്കുറിച്ച് താൻ സമർപ്പിച്ച റിപ്പോർട്ട് സർക്കാരിന്റെ പരിഗണനയിലാണെന്നും ഡിജിപി വ്യക്തമാക്കി. റിപ്പോർട്ടിനെക്കുറിച്ച് പ്രതികരിക്കാൻ തനിക്കാവില്ല. പൂരം കലക്കലിൽ മനോജ് എബ്രഹാം നടത്തിയ ത്രിതല അന്വേഷണം പൂർത്തിയായി.

തൃശൂർ പൂരത്തിന് മുഖ്യമന്ത്രിയെ ക്ഷണിച്ച് തിരുവമ്പാടി ദേവസ്വം

Story Highlights: Security tightened for Thrissur Pooram following the Pahalgam attack.

പഹൽഗാം ആക്രമണം: കൊല്ലപ്പെട്ട നാവികന്റെ കുടുംബത്തിന് 50 ലക്ഷവും സർക്കാർ ജോലിയും