തൃശ്ശൂർ◾: തൃശ്ശൂർ ലോക്സഭാ തിരഞ്ഞെടുപ്പിൽ പാർട്ടിയുടെ ശക്തികേന്ദ്രങ്ങളിൽപ്പോലും വോട്ട് ചോർച്ചയുണ്ടായെന്ന് സി.പി.ഐ ജില്ലാ സമ്മേളന റിപ്പോർട്ട് ചൂണ്ടിക്കാട്ടുന്നു. എൽ.ഡി.എഫിന്റെയും പാർട്ടിയുടെയും പ്രതീക്ഷകളെ അസ്ഥാനത്താക്കി വി.എസ്. സുനിൽകുമാറിൻ്റെ തോൽവി സംഭവിച്ചത് എങ്ങനെയാണെന്നും റിപ്പോർട്ടിൽ വിശദീകരിക്കുന്നു. വർഗീയ ശക്തികളുടെ വോട്ടുകൾ ബി.ജെ.പിക്ക് ലഭിച്ചെന്നും സംസ്ഥാന സർക്കാരിനെതിരായ ഭരണവിരുദ്ധ വികാരം തിരിച്ചടിയായെന്നും സമ്മേളനം വിലയിരുത്തി.
ജില്ലാ സമ്മേളന റിപ്പോർട്ടിലെ പ്രധാന കണ്ടെത്തലുകൾ ഇവയാണ്: കോൺഗ്രസ്സിന്റെ വോട്ടുകൾ കാര്യമായ രീതിയിൽ ചോർന്നത് ബി.ജെ.പിക്ക് സഹായകമായി. ന്യൂനപക്ഷ സമുദായങ്ങൾ കോൺഗ്രസിന് അനുകൂലമായ നിലപാട് സ്വീകരിച്ചതും തിരിച്ചടിയായി. കരുവന്നൂർ ഉൾപ്പെടെയുള്ള ബാങ്കുകളിലെയും സഹകരണ മേഖലയിലെയും അഴിമതികൾ തിരഞ്ഞെടുപ്പിൽ പാർട്ടിയുടെ പ്രതിച്ഛായക്ക് മങ്ങലേൽപ്പിച്ചു.
ബി.ജെ.പി അഞ്ചുവർഷത്തോളം സുരേഷ് ഗോപിക്ക് വേണ്ടി സോഷ്യൽ മീഡിയ പേജുകളും ഇൻസ്റ്റഗ്രാം ഹാൻഡിലുകളും വാടകയ്ക്ക് എടുത്ത് പ്രചാരണം നടത്തി. ക്ഷേത്രങ്ങളിലും കോളനികളിലും ബിജെപി സ്ഥാനാർത്ഥിയെ പരിചയപ്പെടുത്താൻ പ്രത്യേക പ്രവർത്തനങ്ങൾ സംഘടിപ്പിച്ചു. ഇതിലൂടെ ഇടതുപക്ഷത്തിന് സ്ഥിരമായി വോട്ട് ചെയ്തിരുന്ന സ്ത്രീകളുടെയും യുവജനങ്ങളുടെയും വോട്ടുകൾ എൻ.ഡി.എയ്ക്ക് ലഭിച്ചു.
തെരഞ്ഞെടുപ്പ് ദിവസം എൽഡിഎഫ് കൺവീനർ ഇ.പി. ജയരാജൻ നടത്തിയ വാർത്താസമ്മേളനം ന്യൂനപക്ഷങ്ങളെ അകറ്റിയെന്നും റിപ്പോർട്ടിൽ വിമർശനമുണ്ട്. എൽഡിഎഫ് പ്രവർത്തനങ്ങളിൽ വലിയ വീഴ്ച സംഭവിച്ചു. ബൂത്ത് കമ്മറ്റികളിൽ നിന്ന് വോട്ട് ചേർക്കണമെന്ന് മുൻകൂട്ടി ആവശ്യപ്പെട്ടിരുന്നെങ്കിലും നടപടികൾ ഉണ്ടായില്ല. പല ഘടകങ്ങളും അവരവരുടെ ഉത്തരവാദിത്തങ്ങൾ വേണ്ടവിധം നിർവഹിച്ചില്ല.
തെരഞ്ഞെടുപ്പ് സമയത്ത് കേരളത്തിലുടനീളം ബി.ജെ.പിക്കാർ കൃത്രിമമായി വോട്ട് ചേർത്തു എന്നും സി.പി.ഐ ആരോപിച്ചു. തെരഞ്ഞെടുപ്പിന് തൊട്ടുമുന്പ് ഡൽഹി ലെഫ്റ്റ് ഗവർണർ കേരളത്തിലെത്തി മതമേലധ്യക്ഷന്മാരുമായി ചർച്ച നടത്തിയത് ക്രൈസ്തവ വോട്ട് സമാഹരിക്കാനാണ്. കേന്ദ്ര ഏജൻസികളെ ചൂണ്ടിക്കാട്ടി വ്യവസായികളെ ഭീഷണിപ്പെടുത്തി വലിയതോതിൽ പണമൊഴുകി തിരഞ്ഞെടുപ്പിൽ വിജയിച്ചെന്നും റിപ്പോർട്ടിൽ പറയുന്നു.
തെരഞ്ഞെടുപ്പിന്റെ അവസാനഘട്ടത്തിൽ ഉണ്ടായിട്ടുള്ള വീഴ്ചകൾ ഗൗരവത്തോടുകൂടി കാണണമെന്നും റിപ്പോർട്ടിൽ പറയുന്നു. സാമ്പ്രദായിക രീതിയിലുള്ള എൽഡിഎഫിന്റെ തിരഞ്ഞെടുപ്പ് പ്രവർത്തനങ്ങളിൽ മാറ്റം വരുത്തണമെന്നും നിർദേശമുണ്ട്.
എൽഡിഎഫിന്റെ ഭാഗത്തുനിന്നുണ്ടായ വീഴ്ചകളും ബിജെപിയുടെ കൃത്യമായ പ്രവർത്തനങ്ങളും തിരഞ്ഞെടുപ്പിൽ പ്രതിഫലിച്ചു എന്ന് റിപ്പോർട്ടിൽ പറയുന്നു. അതിനാൽ പാർട്ടിയുടെ തിരഞ്ഞെടുപ്പ് പ്രവർത്തനങ്ങളിൽ കാലോചിതമായ മാറ്റങ്ങൾ വരുത്തേണ്ടത് അത്യാവശ്യമാണെന്നും സി.പി.ഐ ജില്ലാ സമ്മേളനം വിലയിരുത്തി.
Story Highlights: തൃശൂർ ലോക്സഭാ തിരഞ്ഞെടുപ്പിൽ പാർട്ടി കേന്ദ്രങ്ങളിൽ വോട്ട് ചോർച്ചയുണ്ടായെന്ന് സി.പി.ഐ ജില്ലാ സമ്മേളന റിപ്പോർട്ട്.
തൃശ്ശൂരിൽ ട്രെയിനിൽ കുഴഞ്ഞുവീണ് യുവാവ് മരിച്ച സംഭവത്തിൽ റെയിൽവേ അന്വേഷണം ആരംഭിച്ചു. തിരുവനന്തപുരം Read more
തൃശൂരിൽ ട്രെയിനിൽ കുഴഞ്ഞുവീണ് മരിച്ച ശ്രീജിത്തിന്റെ മരണത്തിൽ റെയിൽവേയുടെ വാദങ്ങൾ തള്ളി കുടുംബം. Read more
തൃശ്ശൂരിൽ ട്രെയിൻ യാത്രയ്ക്കിടെ കുഴഞ്ഞുവീണ യുവാവിന് ആംബുലൻസ് കിട്ടാൻ വൈകിയതിനെ തുടർന്ന് ദാരുണാന്ത്യം. Read more
വാൽപ്പാറയിൽ തൃശൂർ സ്വദേശിനിയായ മധ്യവയസ്ക പൊള്ളലേറ്റ് മരിച്ചു. തൃശൂർ മാടവക്കര സ്വദേശി ഗിരീഷിന്റെ Read more
തൃശൂരിൽ കളിമൺ പാത്ര നിർമ്മാണ വിതരണ വികസന കോർപ്പറേഷൻ ചെയർമാൻ കുട്ടമണി കെ.എൻ. Read more
മുൻ മന്ത്രി വി.എസ്. സുനിൽ കുമാറിനെ സി.പി.ഐ സംസ്ഥാന എക്സിക്യൂട്ടീവിൽ ഉൾപ്പെടുത്താൻ ധാരണയായി. Read more
എയിംസ് തൃശൂരിൽ സ്ഥാപിക്കണമെന്ന നിലപാടിൽ ഉറച്ച് കേന്ദ്രമന്ത്രി സുരേഷ് ഗോപി. സംസ്ഥാന സർക്കാർ Read more
എറണാകുളം പറവൂരിൽ സി.പി.ഐയിൽ കൂട്ടക്കൊഴിഞ്ഞുപോക്ക്. 100-ൽ അധികം അംഗങ്ങൾ പാർട്ടി വിടുന്നതായി പ്രഖ്യാപിച്ചു. Read more
സിപിഐ നേതാവ് വി.എസ്. സുനിൽകുമാറിനെതിരെ പാർട്ടിയിൽ വിമർശനം ശക്തമാകുന്നു. സാമ്പത്തിക സംവരണത്തെ എതിർക്കുന്ന Read more
തൃശ്ശൂരിൽ ആഫ്രിക്കൻ പന്നിപ്പനി സ്ഥിരീകരിച്ചു. മുളങ്കുന്നത്തുകാവ് ഗ്രാമപഞ്ചായത്തിലെ ആറാം വാർഡിലാണ് രോഗം സ്ഥിരീകരിച്ചത്. Read more
