Thrikkakara Ex-Chairperson Disqualified for Council Absence

തൃക്കാക്കര നഗരസഭയിലെ മുൻ ചെയർപേഴ്സണും കൗൺസിലറുമായിരുന്ന അജിത തങ്കപ്പനെ അയോഗ്യയാക്കിയതായി റിപ്പോർട്ട്. തുടർച്ചയായി കൗൺസിൽ യോഗങ്ങളിൽ പങ്കെടുക്കാതിരുന്നതാണ് ഈ നടപടിക്ക് കാരണമായത്. നഗരസഭാ സെക്രട്ടറി നേരിട്ട് അജിത തങ്കപ്പന്റെ വസതിയിലെത്തി അയോഗ്യതാ ഉത്തരവ് കൈമാറിയതായി അറിയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒമ്പത് മാസക്കാലം തുടർച്ചയായി സ്ഥിരം സമിതി യോഗങ്ങളിൽ പങ്കെടുക്കാതിരുന്നതാണ് അജിത തങ്കപ്പനെതിരെ നടപടിക്ക് വഴിവെച്ചത്. കഴിഞ്ഞ വർഷം ആരംഭത്തിലാണ് അവർ ചെയർപേഴ്സൺ സ്ഥാനത്തുനിന്ന് രാജിവെച്ചത്. എൽ.ഡി.എഫും സ്വതന്ത്ര കൗൺസിലർമാരും ചേർന്ന് യു.ഡി.എഫ്. ഭരണം അട്ടിമറിക്കാൻ ശ്രമിച്ചതിനെ തുടർന്നായിരുന്നു രാജി സമർപ്പിച്ചത്.

കൊടകര കേസ്: ഇഡി ബിജെപിയുടെ ഏജൻസി, കുറ്റപത്രം തിരുത്തിയെഴുതിയെന്ന് എം വി ഗോവിന്ദൻ

സ്ത്രീ സംവരണ സീറ്റായ ചെയർപേഴ്സൺ സ്ഥാനം രണ്ടര വർഷത്തിനുശേഷം എ ഗ്രൂപ്പിന് കൈമാറണമെന്ന ധാരണയിലാണ് ഐ ഗ്രൂപ്പിലെ അംഗമായ അജിത തങ്കപ്പൻ സ്ഥാനമേറ്റെടുത്തത്. എന്നാൽ ഈ ധാരണ തങ്ങളെ അറിയിച്ചിട്ടില്ലെന്ന് ചൂണ്ടിക്കാട്ടി സ്വതന്ത്ര കൗൺസിലർമാർ എൽ.ഡി.എഫിനൊപ്പം ചേരാൻ തീരുമാനിക്കുകയായിരുന്നു. ഇതോടെയാണ് നഗരസഭയിലെ രാഷ്ട്രീയ സമവാക്യങ്ങൾ മാറിമറിഞ്ഞത്.