Konkan Railway: 3 Trains Cancelled, Many Diverted Due to Waterlogging

കൊങ്കൺ റെയിൽവേ പാതയിൽ വെള്ളക്കെട്ടും മണ്ണിടിച്ചിലും കാരണം മൂന്ന് ട്രെയിനുകൾ റദ്ദാക്കി. പെർണം ടണലിലെ പ്രശ്നങ്ങൾ തുടരുന്നതായി റെയിൽവേ അധികൃതർ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കാലാവസ്ഥ പ്രതികൂലമായതിനാൽ ചെളിയും മണ്ണും നീക്കം ചെയ്യുന്നത് വൈകുന്നതാണ് ട്രെയിനുകൾ റദ്ദാക്കാൻ കാരണം. എന്നാൽ രാത്രി എട്ടുമണിയോടെ ഗതാഗതം പുനഃസ്ഥാപിക്കുമെന്ന് കൊങ്കൺ റെയിൽവേ വ്യക്തമാക്കി.

16346 തിരുവനന്തപുരം-ലോകമാന്യ തിലക് നേത്രാവതി എക്സ്പ്രസ്, 16345 ലോകമാന്യ തിലക്-തിരുവനന്തപുരം എക്സ്പ്രസ്, 12619 ലോകമാന്യ തിളക്-മംഗുളൂരു എക്സ്പ്രസ് എന്നീ ട്രെയിനുകളാണ് റദ്ദാക്കിയത്. നേരത്തെ ഗോവയിൽ നിന്നും മുംബൈയിലേക്കുള്ള ട്രെയിനുകളും റദ്ദാക്കിയിരുന്നു.

തുരങ്കത്തിലെ തടസം നീക്കുന്ന ജോലി യുദ്ധകാലാടിസ്ഥാനത്തിൽ പുരോഗമിക്കുന്നതായി റെയിൽവേ അധികൃതർ അറിയിച്ചു. നിരവധി ട്രെയിനുകൾ വഴിതിരിച്ചുവിടുകയും ചെയ്തു.

എറണാകുളം ജംഗ്ഷൻ-പൂനെ ജംഗ്ഷൻ എക്സ്പ്രസ്, മംഗളുരു ജംഗ്ഷൻ-മുംബൈ സിഎസ്എംടി എക്സ്പ്രസ്, എറണാകുളം ജംഗ്ഷൻ-എച്ച് നിസാമുദ്ദീൻ, തിരുവനന്തപുരം സെൻട്രൽ-എച്ച് നിസാമുദ്ദീൻ എക്സ്പ്രസ്, ലോകമാന്യതിലക്-കൊച്ചുവേളി എക്സ്പ്രസ്, ബാവ്നഗർ-കൊച്ചുവേളി എക്സ്പ്രസ്, ലോകമാന്യ തിലക്-എറണാകുളം എക്സ്പ്രസ്, ഇൻഡോർ ജംഗ്ഷൻ-കൊച്ചുവേളി എക്സ്പ്രസ്, തിരുനെൽവേലി-ദാദർ എക്സ്പ്രസ്, ശ്രീ ഗംഗാനഗർ-കൊച്ചുവേളി എക്സ്പ്രസ് എന്നീ ട്രെയിനുകൾ വഴിതിരിച്ചുവിട്ടു.

ഹിന്ദി മൂന്നാം ഭാഷയാക്കാനുള്ള ഉത്തരവ് മഹാരാഷ്ട്ര സർക്കാർ പിൻവലിച്ചു