തിരുവനന്തപുരം: യുവതിയെ കൊലപ്പെടുത്തി; സഹോദരൻ കസ്റ്റഡിയിൽ

തിരുവനന്തപുരം◾: തിരുവനന്തപുരത്ത് യുവതി കൊല്ലപ്പെട്ടു. മണ്ണന്തലയിൽ പോത്തൻകോട് സ്വദേശി ഷഹീന (31) ആണ് കൊല്ലപ്പെട്ടത്. സംഭവത്തിൽ സഹോദരൻ സംഷാദിനെ പോലീസ് കസ്റ്റഡിയിലെടുത്തിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷഹീനയുടെ മരണവുമായി ബന്ധപ്പെട്ട് പോലീസ് അന്വേഷണം ആരംഭിച്ചു. കൃത്യമായ കാരണം ഇതുവരെ വ്യക്തമായിട്ടില്ല.

ചികിത്സയുടെ ഭാഗമായി ഈ മാസം 14-നാണ് ഷഹീനയും കുടുംബവും മണ്ണന്തലയിൽ ഒരു അപ്പാർട്ട്മെൻ്റ് വാടകയ്ക്ക് എടുത്തത്. തുടർന്ന് ഷഹീനയുടെ മാതാപിതാക്കൾ അപ്പാർട്ട്മെന്റിൽ എത്തിയപ്പോൾ കട്ടിലിന് താഴെ ഷഹീനയെ കണ്ടെത്തുകയായിരുന്നു.

സംശയം തോന്നിയതിനെ തുടർന്ന് ഷഹീനയുടെ മാതാപിതാക്കൾ തന്നെയാണ് വിവരം പോലീസിൽ അറിയിച്ചത്. മണ്ണന്തല പോലീസ് ഉടൻ തന്നെ സ്ഥലത്തെത്തി തുടർനടപടികൾ സ്വീകരിച്ചു.

അപ്പാർട്ട്മെന്റിൽ ഷംഷാദും സുഹൃത്ത് ചെമ്പഴന്തി സ്വദേശി വിശാഖും ഉണ്ടായിരുന്നു. ഇവരെ രണ്ടുപേരെയും മണ്ണന്തല പോലീസ് കസ്റ്റഡിയിലെടുത്തിട്ടുണ്ട്. ഷഹീനയുടെ ശരീരത്തിൽ മർദ്ദനമേറ്റ പാടുകൾ ഉണ്ടെന്ന് പോലീസ് അറിയിച്ചു. സംഭവത്തെക്കുറിച്ച് വിശദമായ അന്വേഷണം നടക്കുകയാണെന്ന് പോലീസ് പറഞ്ഞു.

Story Highlights: തിരുവനന്തപുരത്ത് മണ്ണന്തലയിൽ യുവതി കൊല്ലപ്പെട്ട സംഭവത്തിൽ സഹോദരൻ കസ്റ്റഡിയിൽ.