Thevara-Kundanur Bridge in Ernakulam to Close for One Month

എറണാകുളം തേവര-കുണ്ടന്നൂർ പാലം വീണ്ടും അടയ്ക്കാൻ തീരുമാനിച്ചിരിക്കുകയാണ്. പാലത്തിൽ വലിയ കുഴികൾ രൂപപ്പെട്ടതിനെ തുടർന്നാണ് ഈ നടപടി. ഈ മാസം 15 മുതൽ അടുത്ത മാസം 15 വരെയാണ് പാലം അടച്ചിടുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അറ്റകുറ്റപ്പണികൾക്കായാണ് ഇത്തവണയും പാലം അടയ്ക്കുന്നത്. കഴിഞ്ഞ ജൂലൈയിലും സെപ്റ്റംബറിലും പാലം അടച്ചിരുന്നു. ജൂലൈയിൽ രണ്ട് ദിവസത്തേക്കായിരുന്നു അടച്ചത്.

സെപ്റ്റംബറിൽ പാലം ഉൾപ്പെടുന്ന റോഡിലെ ടാർ മുഴുവൻ പൊളിച്ച് നവീകരിക്കാനായിരുന്നു നിയന്ത്രണമേർപ്പെടുത്തിയത്. എന്നാൽ അതിന് പിന്നാലെയാണ് ഇപ്പോൾ കുഴികൾ വീണ്ടും രൂപപ്പെട്ടത്. ഫോർട്ടുകൊച്ചി, മട്ടാഞ്ചേരി, പള്ളുരുത്തി തുടങ്ങി പശ്ചിമകൊച്ചിയിലേക്ക് എത്തിപ്പെടാൻ യാത്രക്കാർ ഏറ്റവും കൂടുതൽ ആശ്രയിക്കുന്നത് തേവര-കുണ്ടന്നൂർ പാലമാണ്.

രണ്ട് കിലോമീറ്ററിൽ താഴെയാണ് ഈ പാലത്തിന്റെ ദൂരം. ജൂൺ മാസത്തിൽ തുടങ്ങിയതാണ് പാലത്തിന്റെ ദുരവസ്ഥ. മഴക്കാലം കഴിഞ്ഞാൽ ഉടൻ തന്നെ പാലത്തിന്റെ പണി തുടങ്ങുമെന്ന് പിഡബ്ള്യുഡി നേരത്തെ വ്യക്തമാക്കിയിരുന്നു.

എറണാകുളം-ബെംഗളൂരു വന്ദേഭാരത് എക്സ്പ്രസ് പ്രധാനമന്ത്രി ഫ്ലാഗ് ഓഫ് ചെയ്തു

Story Highlights: Thevara-Kundanur bridge in Ernakulam to close for a month for repair works

എളമക്കരയിൽ 12 വയസ്സുകാരനെ ക്രൂരമായി മർദിച്ചു; അമ്മയും കാമുകനും അറസ്റ്റിൽ