പ്രശസ്ത മലയാളി ഭൗതികശാസ്ത്രജ്ഞന് പ്രൊഫ. താണു പത്മനാഭന് വിടവാങ്ങി.

തിരുവനന്തപുരം സ്വദേശിയായ ലോകപ്രശസ്ത ഭൗതികശാസ്ത്രജ്ഞൻ പ്രൊഫ. താണു പത്മനാഭൻ (64) അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. പുണെയിലെ വീട്ടിൽ കുഴഞ്ഞുവീണ അദ്ദേഹത്തെ ആശുപത്രിയിലെത്തിച്ചെങ്കിലും മരണപ്പെടുകയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുണെ ഇന്റർ യൂണിവേഴ്സിറ്റി സെന്റർ ഫോർ അസ്ട്രോണമി ആൻഡ് ആസ്ട്രോഫിസിക്സിലെ അക്കാദമിക് വിഭാഗം ഡീനായിരുന്ന അദ്ദേഹം അവിടെ തന്നെ ഡിസ്റ്റിംഗ്വിഷ്ഡ് പ്രൊഫസറായി സേവനം അനുഷ്ഠിച്ചു വരികയായിരുന്നു. കേരള ശാസ്ത്ര പുരസ്കാരത്തിനു ഈ വർഷം പ്രൊഫ. താണു പത്മനാൻ അർഹനായിട്ടുണ്ട്.

എമർജന്റ് ഗ്രാവിറ്റിയിൽ താപഗതികത്തെ അടിസ്ഥാനമാക്കിക്കൊണ്ട് സാമാന്യ ആപേക്ഷികസിദ്ധാന്തത്തെ കൂടുതൽ വികസിപ്പിച്ചെടുത്തുവെന്നതാണ് താണു പത്മനാഭന്റെ പ്രധാന സംഭാവന. 1957 ൽ തിരുവനന്തപുരത്താണ് താണു പത്മനാഭന്റെ ജനനം. കേരള സർവകലാശാല യൂണിവേഴ്സിറ്റി കോളേജിൽ നിന്നും 1977 ൽ ബിഎസ്സി, 1979 ൽ എംഎസ്സി ബിരുദങ്ങൾ സ്വർണമെഡലോടെ നേടിയെടുത്തു.

ഇരുപതാം വയസ്സിൽ ബിഎസ്സിക്ക് പഠിക്കുമ്പോൾത്തന്നെ സാമാന്യ ആപേക്ഷികതയെന്ന വിഷയത്തെ ആസ്പദമാക്കി തന്റെ ആദ്യത്തെ ഗവേഷണ പേപ്പർ പ്രസിദ്ധീകരിച്ചു.1983 ൽ മുംബൈയിലെ ടിഐഎഫ്ആറിൽ നിന്നും പിഎച്ഡി നേടി.

ജി. ശങ്കരക്കുറുപ്പിന്റെ മകൾ രാധ അന്തരിച്ചു

സ്വിറ്റ്സർലൻഡിലെ പ്രസിദ്ധ കണികാ ഭൗതിക ഗവേഷണ കേന്ദ്രമായ സേൺ, ന്യൂ കാസിൽ സർവകലാശാല, ലണ്ടനിലെ ഇംപീരിയൽ കോളേജ്, കാൾടെക്, പ്രിൻസ്ടൺ, കേംബ്രിഡ്ജ് സർവകലാശാലകളിൽ വിസിറ്റിങ് പ്രൊഫസറായി താണു പത്മനാഭൻ സേവനമനുഷ്ഠിച്ചിട്ടുണ്ട്.

Story highlight : The famous physicist Prof. Thanu Padmanabhan passed away.

ജി. ശങ്കരക്കുറുപ്പിന്റെ മകൾ രാധ അന്തരിച്ചു