കെട്ടിടത്തിന്റെ അഞ്ചാം നിലയില്‍ നിന്ന് താഴെ വീണ് പ്രവാസിക്ക് ദാരുണാന്ത്യം.

കുവൈത്തില്‍ കെട്ടിടത്തിന്റെ അഞ്ചാം നിലയില്‍ നിന്ന് താഴെ വീണ് പ്രവാസി മരിച്ചു.ശര്‍ഖിലായിരുന്നു സംഭവം നടന്നത്.

പാരാമെഡിക്കല്‍ സംഘം സംഭവസ്ഥലത്തെത്തി മൃതദേഹം പരിശോധിച്ചു. അന്വേഷണത്തിൽ മരണപ്പെട്ടത് ഇന്ത്യക്കാരനാണെന്ന് കണ്ടെത്തിയിട്ടുണ്ട്.

അഞ്ചാം നിലയിലെ അപ്പാര്‍ട്ട്മെന്റിൽ താമസിച്ചിരുന്ന ഇയാൾ ഇവിടെ നിന്നും ജനല്‍ വഴി താഴേക്ക് വീഴുകയായിരുന്നുവെന്നാണ് പൊലീസിന്റെ പ്രാഥമിക നിഗമനം.

പരിക്കുകള്‍ ഗുരുതരമായിരുന്നതിനെ തുടർന്ന് സംഭവസ്ഥലത്തുവെച്ചുതന്നെ മരണപ്പെടുകയായിരുന്നു.

മരണ കാരണം ഉൾപ്പെടെയുള്ളവ കണ്ടെത്തുന്നതിനായി മൃതദേഹം ഫോറന്‍സിക് വിഭാഗത്തിന് കൈമാറിയിട്ടുണ്ട്.

സംഭവത്തില്‍ ദുരൂഹതയുള്ള സാഹചര്യത്തിൽ പൊലീസ് കേസ് രജിസ്റ്റര്‍ ചെയ്‍ത് അന്വേഷണം ആരംഭിച്ചു.

Story highlight : The expatriate fell from the fifth floor of the building and died In Kuwait.