Tamil stunt director N Kothandaraman passes away at 65

തമിഴ് സിനിമാ ലോകത്തിന് കനത്ത നഷ്ടം. പ്രശസ്ത സംഘട്ടന സംവിധായകനും നടനുമായ എന് കോതണ്ഡരാമന് (65) ബുധനാഽഴ്ച രാത്രി ചെന്നൈയിലെ പെരമ്പൂരിലുള്ള വസതിയില് അന്തരിച്ചു. ദീര്ഘനാളായി അസുഖബാധിതനായിരുന്ന അദ്ദേഹം, തമിഴ് സിനിമയില് 25 വര്ഷത്തിലേറെ സ്റ്റണ്ട് മാസ്റ്ററായി സേവനമനുഷ്ഠിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോതണ്ഡരാമന് നിരവധി സിനിമകളില് ഉപവില്ലന് വേഷങ്ങളിലും തിളങ്ങിയിരുന്നു. സുന്ദര് സി. സംവിധാനം ചെയ്ത ‘കലകലപ്പു’ എന്ന ചിത്രത്തിലെ അദ്ദേഹത്തിന്റെ ഹാസ്യവേഷം പ്രേക്ഷകരുടെ ഏറെ ശ്രദ്ധ നേടിയിരുന്നു. ഭഗവതി, തിരുപ്പതി, വേതാളം ഗെയിം തുടങ്ങിയ സിനിമകളില് സംഘട്ടന സഹായിയായും, സാമി എന് റാസാ താന്, വണ്സ് മോര് എന്നീ ചിത്രങ്ങളില് സംഘട്ടന സംവിധായകനായും പ്രവര്ത്തിച്ചു.

സംഘവിയുടെ ‘എല്ലാമേ എൻ പൊണ്ടാട്ടിത്താൻ’, രാജ്കിരണിൻ്റെ ‘എല്ലാമേ എൻ രസ ധാൻ’, ശിവാജി ഗണേശൻ-വിജയ് അഭിനയിച്ച ‘വൺസ് മോർ’ എന്നീ ചിത്രങ്ങളിലും അദ്ദേഹം തന്റെ പ്രതിഭ തെളിയിച്ചിരുന്നു. അവസാന കാലത്ത് അസുഖബാധിതനായിരുന്ന കോതണ്ഡരാമന്, തന്റെ കുടുംബവും ബന്ധുക്കളും തന്നോട് അകൽച്ച പുലർത്തുന്നതായും, തമിഴ് സ്റ്റണ്ട് യൂണിയനാണ് തന്നെ പരിചരിക്കുന്നതെന്നും അവസാന അഭിമുഖത്തിൽ വെളിപ്പെടുത്തിയിരുന്നു. തമിഴ് സിനിമാ ലോകത്തിന് ഒരിക്കലും നികത്താനാവാത്ത നഷ്ടമാണ് കോതണ്ഡരാമന്റെ വിയോഗം.

രജനികാന്തുമായി കൂടിക്കാഴ്ച നടത്തി മന്ത്രി റിയാസ്

Story Highlights: Renowned Tamil film stunt director and actor N Kothandaraman passes away at 65 in Chennai

ബന്ധുക്കൾക്ക് സിനിമയിൽ അവസരം നൽകരുത്: കാർത്തിക് സുബ്ബരാജ്