Taiwan company denies manufacturing exploded Hezbollah pagers in Lebanon

ലെബനനിൽ ഹിസ്ബുള്ള അംഗങ്ങൾ ഉപയോഗിക്കുന്ന പേജറുകൾ പൊട്ടിത്തെറിച്ചുള്ള ആക്രമണത്തിൽ തായ്വാൻ കമ്പനി ഗോൾഡ് അപ്പോളോ പ്രതികരിച്ചു. പൊട്ടിത്തെറിച്ച പേജറുകളോ ഭാഗങ്ങളോ തങ്ങളുടേതല്ലെന്ന് കമ്പനി മേധാവി സു ചിൻ ക്വാങ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇസ്രയേലി ചാരസംഘടനയായ മൊസദ് സ്ഫോടക വസ്തുക്കൾ ഒളിപ്പിച്ച 5,000 പേജറുകൾ മാസങ്ങൾക്ക് മുൻപ് ഇറക്കുമതി ചെയ്തിരുന്നുവെന്ന വാർത്തകൾ പുറത്തുവന്നിരുന്നു. ഗോൾഡ് അപ്പോളോ ബ്രാൻഡിങ്ങിൽ ഉത്പന്നങ്ങൾ നിർമിക്കുന്ന യൂറോപ്യൻ കമ്പനിയാണ് നിർമാണത്തിന് പിന്നിലെന്ന് കമ്പനി സ്ഥാപകൻ റോയിട്ടേഴ്സിന് നൽകിയ അഭിമുഖത്തിൽ പറഞ്ഞിരുന്നു.

അതിന്റെ ഉത്തരവാദിത്തം തങ്ങൾക്ക് ഏറ്റെടുക്കാനാവില്ലെന്നും അദ്ദേഹം വ്യക്തമാക്കി. AP924 എന്ന മോഡലുകളാണ് പൊട്ടിത്തെറിച്ചതെന്ന് ചിത്രം പങ്കിട്ടുകൊണ്ട് ലെബനീസ് സെക്യൂരിറ്റി വിഭാഗം അറിയിച്ചിരുന്നു.

ചൊവ്വാഴ്ച വൈകീട്ടാണ് ലെബനനിലുടനീളവും സിറിയയുടെ ചില ഭാഗങ്ങളിലും പേജറുകള് പൊട്ടിത്തെറിച്ചത്. ഹിസ്ബുള്ള അംഗങ്ങള് ഉപയോഗിക്കുന്ന പേജറുകള് ഹാക്ക് ചെയ്താണ് സ്ഫോടനം നടത്തിയത് എന്നാണ് പ്രാഥമിക റിപ്പോര്ട്ടുകള്.

കരിങ്കടലിൽ വെടിനിർത്തൽ: റഷ്യ-യുക്രൈൻ ധാരണ

ഹിസ്ബുള്ള നേതാവ് ഹസന് നസ്രുള്ളയുടെ നിര്ദേശപ്രകാരം അംഗങ്ങള് സെല്ഫോണുകള്ക്ക് പകരം പേജറുകളാണ് ആശയവിനിമയത്തിനായി ഉപയോഗിച്ചിരുന്നത്. സ്ഫോടനത്തിന്റെയും പരിക്കേറ്റവരുടെയും ചിത്രങ്ങളും വീഡിയോകളും സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.

Story Highlights: Taiwan company Gold Apollo denies manufacturing exploded pagers used by Hezbollah in Lebanon

വെടിനിർത്തൽ കരാർ ലംഘിച്ച് ബെയ്റൂട്ടിൽ ഇസ്രയേൽ മിസൈൽ ആക്രമണം