Sushin Shyam Marries Uthara Krishnan in Intimate Ceremony

മലയാളികളുടെ പ്രിയപ്പെട്ട സംഗീത സംവിധായകൻ സുഷിൻ ശ്യാം വിവാഹിതനായി. ഉത്തര കൃഷ്ണനാണ് വധു. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ചെറിയ ചടങ്ങിലായിരുന്നു വിവാഹം നടന്നത്. ജയറാം, പാർവതി, മക്കളായ മാളവിക, കാളിദാസ്, ഫഹദ് ഫാസിൽ, നസ്രിയ, ഉണ്ണിമായ, ശ്യാം പുഷ്കരൻ, ദീപക് ദേവ് തുടങ്ങിയവർ ചടങ്ങിൽ സന്നിഹിതരായിരുന്നു. വിവാഹ ചിത്രങ്ങൾ പുറത്തുവന്നതോടെ നിരവധി ആരാധകർ വധൂവരന്മാർക്ക് ആശംസകൾ നേർന്നു. 2014-ൽ സിനിമയിൽ അരങ്ങേറ്റം കുറിച്ച സുഷിൻ, വളരെ വേഗത്തിൽ വിലപ്പെട്ട ബ്രാൻഡ് നെയിമായി വളർന്നു. ‘കുമ്പളങ്ങി നൈറ്റ്സ്’ എന്ന ചിത്രത്തിലൂടെ മികച്ച സംഗീത സംവിധായകനുള്ള സംസ്ഥാന പുരസ്കാരം സുഷിൻ നേടിയിരുന്നു. ആവേശം, മഞ്ഞുമ്മൽ ബോയ്സ് തുടങ്ങിയ സിനിമകളിലൂടെ ഈ വർഷവും പ്രേക്ഷകരെ ആകർഷിച്ചിരുന്നു. മലയാള സിനിമയിലെ ‘സീൻ മാറ്റിയ’ സംഗീത സംവിധായകനായി അറിയപ്പെടുന്ന സുഷിൻ, വിവാഹം സംബന്ധിച്ച് ഔദ്യോഗിക വിവരങ്ങളൊന്നും നേരത്തെ പുറത്തുവിട്ടിരുന്നില്ല. നേരത്തെ, ജയറാമിന്റെ മകൾ മാളവികയുടെ വിവാഹത്തിന് സുഷിൻ തന്റെ പങ്കാളിയെ പരിചയപ്പെടുത്തിയിരുന്നു. ഇപ്പോൾ, അവരുടെ വിവാഹ വാർത്ത പുറത്തുവന്നതോടെ സിനിമാ ലോകത്തും ആരാധകർക്കിടയിലും സന്തോഷം പരന്നിരിക്കുകയാണ്. സുഷിന്റെ സംഗീത പ്രതിഭയും പുതിയ ജീവിതവും ഒരുപോലെ ആഘോഷിക്കപ്പെടുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

Happy Married Life Sushin Shyam ❤️

Sushin Shyam Gets Married To Uthara Krishnan pic.twitter.com/XQbhYQyi2U

— AB George (@AbGeorge_) October 30, 2024