Suriya's Kanguva breaks box office records with Rs 58.62 crore opening

സൂര്യയുടെ പുതിയ ചിത്രമായ ‘കങ്കുവ’ ആദ്യദിനം തന്നെ ബോക്സ് ഓഫീസിൽ വൻ വിജയം നേടി. ഇന്നലെ പ്രേക്ഷകർക്ക് മുന്നിലെത്തിയ ചിത്രം 58 കോടി 62 ലക്ഷം രൂപയാണ് ആഗോള തലത്തിൽ ആദ്യദിനം നേടിയത്. സൂര്യയുടെ കരിയറിലെ ഏറ്റവും വലിയ ആദ്യദിന വേൾഡ് വൈഡ് ഗ്രോസ് ആണിത്. മികച്ച അഭിപ്രായമാണ് ചിത്രത്തിന് ലഭിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ശിവ സംവിധാനം ചെയ്ത ഈ വമ്പൻ ബഡ്ജറ്റ് പിരീഡ് ആക്ഷൻ ഡ്രാമയിൽ സൂര്യ ഇരട്ട വേഷത്തിലാണ് അഭിനയിച്ചിരിക്കുന്നത്. 1500 വർഷങ്ങൾക്ക് മുൻപുള്ള കാലഘട്ടത്തിലും ആധുനിക കാലഘട്ടത്തിലുമായി കഥ പറയുന്ന ചിത്രത്തിന്റെ തിരക്കഥ മദൻ കർക്കി, ആദി നാരായണൻ, ശിവ എന്നിവർ ചേർന്നാണ് ഒരുക്കിയത്. ബോളിവുഡ് താരം ബോബി ഡിയോൾ വില്ലൻ വേഷത്തിലും ദിശ പട്ടാണി നായികയായും എത്തിയിരിക്കുന്നു.

സ്റ്റുഡിയോ ഗ്രീനിന്റെയും യു.വി ക്രിയേഷൻസിന്റെയും ബാനറിൽ കെ.ഇ ജ്ഞാനവേൽ രാജയും വംശി പ്രമോദും ചേർന്നാണ് ചിത്രം നിർമിച്ചിരിക്കുന്നത്. കേരളത്തിൽ ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ ആണ് അഞ്ഞൂറോളം സ്ക്രീനുകളിൽ സിനിമ പ്രദർശനത്തിനെത്തിച്ചത്. യോഗി ബാബു, കെ.എസ് രവികുമാർ, നടരാജൻ സുബ്രമണ്യം, ആനന്ദ് രാജ്, വസുന്ധര കശ്യപ്, റെഡിൻ കിംഗ്സ്ലി, കോവൈ സരള തുടങ്ങിയവരാണ് മറ്റ് പ്രധാന താരങ്ങൾ.

സിപിഐഎം പെൺ പ്രതിരോധം സംഗമത്തിൽ നടി റിനി ആൻ ജോർജ് പങ്കെടുത്തു; ക്ഷണവുമായി കെ ജെ ഷൈൻ

Story Highlights: Suriya’s latest film ‘Kanguva’ collects Rs 58.62 crore worldwide on opening day, marking his biggest first-day gross.

കമൽ ഹാസനുമായി വീണ്ടും ഒന്നിക്കുന്നു; രജനീകാന്തിന്റെ പ്രഖ്യാപനം