**തിരുവനന്തപുരം◾:** തിരുവനന്തപുരം ജനറൽ ആശുപത്രിയിൽ ശസ്ത്രക്രിയയ്ക്ക് വിധേയയായ സുമയ്യ, ശരീരത്തിൽ കുടുങ്ങിയ സർജിക്കൽ വയർ ആരോഗ്യപ്രശ്നമുണ്ടാക്കില്ലെന്ന ആരോഗ്യവകുപ്പിന്റെ വാദം തള്ളി. ആരോഗ്യവകുപ്പ് പറയുന്നത് പച്ചക്കള്ളമാണെന്നും, ആരോഗ്യപ്രശ്നങ്ങൾ മൂലം ജീവിതം മുന്നോട്ട് കൊണ്ടുപോകാൻ കഴിയാത്ത സ്ഥിതിയാണുള്ളതെന്നും സുമയ്യ വ്യക്തമാക്കി. എല്ലാം ശരിയാകുന്നതുവരെ ഒപ്പമുണ്ടാകുമെന്നു പറഞ്ഞെങ്കിലും ഒടുവിൽ കൈ ഒഴിഞ്ഞുവെന്നും സുമയ്യ കൂട്ടിച്ചേർത്തു.
തുടർച്ചയായ ആരോഗ്യപ്രശ്നങ്ങൾ കാരണം ഡോക്ടറെ പലതവണ പോയി കണ്ടിരുന്നു. ആദ്യം കീഹോൾ സർജറി വഴി ട്യൂബ് എടുക്കാമെന്നാണ് പറഞ്ഞത്. എന്നാൽ സിറ്റി സ്കാൻ റിപ്പോർട്ട് വന്നപ്പോൾ ട്യൂബ് പുറത്തെടുക്കാൻ പറ്റാത്ത സ്ഥിതിയാണെന്ന് അറിയിച്ചു. 2023-ൽ നടത്തിയ തൈറോയ്ഡ് ഗ്രന്ഥി നീക്കം ചെയ്യൽ ശസ്ത്രക്രിയക്കിടെ നെഞ്ചിൽ കുടുങ്ങിയ ഗൈഡ് ട്യൂബുമായി സുമയ്യ ആരോഗ്യപ്രശ്നങ്ങൾ അനുഭവിച്ചത് രണ്ടു വർഷത്തിലധികമാണ്.
2025-ൽ എടുത്ത സ്കാനിംഗിലാണ് ട്യൂബ് ഇരുന്ന സ്ഥലത്ത് ഒട്ടിയിരിക്കുകയാണെന്ന് കണ്ടെത്തിയത്. പിന്നീട് ഇത് ചലിക്കുന്നുണ്ടോ എന്നറിയാൻ എക്സ്റേ എടുക്കാമെന്നും ഡോക്ടർ പറഞ്ഞിരുന്നു. മരുന്നിനുള്ള ട്യൂബ് ഇട്ടവരാണ് ഇതിന് ഉത്തരവാദികളെന്നും ഡോക്ടർ വിശദീകരിക്കുന്നു. ശ്വാസംമുട്ടൽ അധികമായതിനെ തുടർന്ന് സ്വകാര്യ ആശുപത്രിയിൽ ചികിത്സ തേടിയപ്പോഴാണ് എക്സ്റേയിൽ ട്യൂബ് കുടുങ്ങിയ വിവരം അറിയുന്നത്.
അതേസമയം, പരാതി ലഭിക്കുന്നതിന് മുന്നേ അന്വേഷണം നടത്തിയെന്നാണ് ആരോഗ്യവകുപ്പിന്റെ വിശദീകരണം. 2025 ഏപ്രിൽ മാസം വിദഗ്ധസമിതി രൂപീകരിച്ചു. ഡോക്ടർ ആദ്യം ആരോടും പറയേണ്ട, എല്ലാം ശരിയാക്കി തരാമെന്നാണ് പറഞ്ഞിരുന്നത്. എല്ലാ ദിവസവും ഡോക്ടർ വിളിക്കുമായിരുന്നുവെന്നും സുമയ്യ പറയുന്നു.
2025 ഏപ്രിലിൽ ശ്രീചിത്ര മെഡിക്കൽ സെൻ്ററിൽ നിന്നും അഭിപ്രായം തേടിയിരുന്നു. ട്യൂബ് നെഞ്ചിൽ ഉള്ളതുകൊണ്ട് മറ്റ് ആരോഗ്യപ്രശ്നങ്ങൾ ഉണ്ടാകില്ലെന്ന് റിപ്പോർട്ട് ലഭിച്ചതായാണ് ആരോഗ്യവകുപ്പിന്റെ വാദം. ഡോ.രാജീവ് കുമാറിൻ്റെ നിർദ്ദേശപ്രകാരം ശ്രീചിത്രയിൽ നടത്തിയ പരിശോധനയിലാണ് ഗൈഡ് ട്യൂബ് രക്തക്കുഴലുമായി ഒട്ടിയെന്നും, തിരിച്ചെടുക്കുന്നത് ജീവന് തന്നെ അപകടമുണ്ടാക്കുന്ന കാര്യമാണെന്നും സ്ഥിരീകരിക്കുന്നത്.
പരാതി ലഭിച്ചാൽ വിദഗ്ധസമിതിക്ക് കൈമാറി തുടർനടപടി സ്വീകരിക്കുമെന്നും ആരോഗ്യവകുപ്പ് ഡയറക്ടർ അറിയിച്ചു. ഇതിനിടെ ചികിത്സാ പിഴവ് സമ്മതിച്ച് ഡോക്ടർ രാജീവ് കുമാർ സുമയ്യയുടെ ബന്ധുവിനോട് സംസാരിക്കുന്ന ശബ്ദരേഖയും പുറത്തുവന്നു. ശ്രീചിത്രയിലെ ചികിത്സയ്ക്ക് രാജീവ് കുമാർ പണം അയച്ചു നൽകിയതിൻ്റെ തെളിവും പുറത്തുവന്നിട്ടുണ്ട്.
Story Highlights : Sumaiya undergoes surgery at Thiruvananthapuram General Hospital, rejects Health Department’s claim
തിരുവനന്തപുരം ആര്യൻകോട് കാപ്പാ കേസ് പ്രതിക്ക് നേരെ എസ് എച്ച് ഒ വെടിയുതിർത്തു. Read more
കുപ്രസിദ്ധ മോഷ്ടാവ് ബണ്ടി ചോറിനെ തിരുവനന്തപുരത്ത് റെയിൽവേ പൊലീസ് കരുതൽ തടങ്കലിൽ വെച്ചിരിക്കുകയാണ്. Read more
തിരുവനന്തപുരം വെള്ളറടയിൽ എട്ടാം ക്ലാസ് വിദ്യാർത്ഥിയെ തൂങ്ങി മരിച്ച നിലയിൽ കണ്ടെത്തി. ഗിരീഷ്, Read more
പന്തളത്ത് നഗരസഭ ആരോഗ്യവിഭാഗം നടത്തിയ പരിശോധനയിൽ വൃത്തിഹീനമായ സാഹചര്യത്തിൽ പ്രവർത്തിച്ച മൂന്ന് ഹോട്ടലുകൾക്കെതിരെ Read more
എസ്ഐആർ നടപടികൾക്കായി കുട്ടികളെ ബുദ്ധിമുട്ടിക്കില്ലെന്നും ഡിജിറ്റലൈസേഷനാണ് വിദ്യാർത്ഥികളെ ഉപയോഗിക്കുകയെന്നും തിരുവനന്തപുരം ജില്ലാ കളക്ടർ Read more
തിരുവനന്തപുരം നഗരമധ്യത്തിൽ 18 വയസ്സുകാരൻ കൊല്ലപ്പെട്ട സംഭവത്തിൽ പ്രതികളുമായി പൊലീസ് തെളിവെടുപ്പ് നടത്തി. Read more
ബീമാപ്പള്ളി ഉറൂസിനോടനുബന്ധിച്ച് തിരുവനന്തപുരം ജില്ലയിൽ പ്രാദേശിക അവധി പ്രഖ്യാപിച്ചു. തിരുവനന്തപുരം നഗരസഭാ പരിധിയിലെ Read more
തിരുവനന്തപുരത്ത് ഫുട്ബോൾ കളിയുമായി ബന്ധപ്പെട്ട തർക്കത്തിൽ യുവാവ് കുത്തേറ്റ് മരിച്ചു. തൈക്കാട് ശാസ്താ Read more
തിരുവനന്തപുരത്ത് രാജാജി നഗർ സ്വദേശി അലൻ കുത്തേറ്റ് മരിച്ചു. ഫുട്ബോൾ കളിയിലെ തർക്കമാണ് Read more
തിരുവനന്തപുരത്ത് തദ്ദേശ തിരഞ്ഞെടുപ്പിൽ സീറ്റ് നിഷേധിച്ചതിനെ തുടർന്ന് ആർഎസ്എസ് നേതാവ് ജീവനൊടുക്കിയ സംഭവത്തിൽ Read more
