ബി.ജെ.പിയുടെ സംസ്ഥാന അധ്യക്ഷ സ്ഥാനത്തേക്ക് സുരേഷ് ഗോപിയുടെ പേര് നേതൃത്വം നിർദേശിച്ച സാഹചര്യത്തിൽ പ്രധാനമന്ത്രി നരേന്ദ്ര മോദിയുമായും അമിത് ഷായുമായും കൂടിക്കാഴ്ച നടത്തുന്നതിനു സുരേഷ് ഗോപി എം.പി നാളെ ഡൽഹിക്ക് തിരിക്കും.
അധ്യക്ഷ സ്ഥാനത്തേക്കുള്ള സുരേഷ് ഗോപിയുടെ വരവ് കേരളത്തിൽ പാർട്ടിക്ക് ഗുണം ചെയ്യുമെന്നും ഇതുവഴി പാർട്ടിയിലേക്ക് കൂടുതൽ പേരെ അടുപ്പിക്കാനും സാധിക്കുമെന്നാണ് നേതൃത്വത്തിന്റെ കണക്കുകൂട്ടൽ.
സംസ്ഥാന അദ്ധ്യക്ഷ സ്ഥാനത്ത് നിന്നും കെ. സുരേന്ദ്രനെ നീക്കി അവിടേക്ക് ജനകീയ മുഖത്തെ കൊണ്ടുവരാനാണ് പാർട്ടി നേതൃത്വത്തിന്റെ തീരുമാനം. തുടർന്നാണ് അധ്യക്ഷ സ്ഥാനത്തേക്കുള്ള ആദ്യ പരിഗണന സുരേഷ് ഗോപിക്ക് നൽകിയത്.
എന്നാൽ, തനിക്ക് തത്കാലം പാർട്ടി പ്രവർത്തകനായി തുടരാനാണ് താത്പര്യമെന്നും ബി.ജെ.പി തനിക്ക് നൽകിയ ഉത്തരവാദിത്വങ്ങൾ ഭംഗിയായി നിറവേറ്റനാണ് താൻ ശ്രമിക്കുന്നതെന്നും സുരേഷ് ഗോപി അറിയിച്ചു.
Story highlight : Suresh Gopi MP will go to Delhi tomorrow for a meeting with the BJP leaders.
