Suresh Gopi Highlights Swachh Bharat Mission on Gandhi Jayanti

കേന്ദ്രമന്ത്രി സുരേഷ് ഗോപി തളിക്കുളം സ്നേഹതീരം ബീച്ചിൽ നടന്ന സ്വച്ഛ്ഭാരത് പരിപാടിയിൽ സംസാരിച്ചു. രാഷ്ട്രപിതാവ് ഗാന്ധിജിയുടെ ജന്മദിനം ലോകജനത അർപ്പണത്തോടെയും ആദരവോടെയും ആചരിക്കുന്ന ദിനമായി മാറുകയാണെന്ന് അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഭൂമി ദേവിയെ അമ്മയായി കണക്കാക്കി ജീവിക്കുന്ന ലോകജനത, ആ അമ്മയുടെ ഉള്ളകം വൃത്തിയാക്കി സൂക്ഷിക്കേണ്ടത് ഓരോരുത്തരുടെയും കടമയാണെന്നും അദ്ദേഹം കൂട്ടിച്ചേർത്തു. വൃത്തി ഓരോരുത്തരുടെയും ജീവിതത്തിൽ അനിവാര്യമാണെന്നും, ഇതിന് തുടക്കം കുറിക്കാത്തവർക്ക് ഇന്ന് അതിനുള്ള അവസരമാണെന്നും സുരേഷ് ഗോപി പറഞ്ഞു.

എക്കാലവും ശുചിത്വപൂർണമായ ജീവിതം നയിക്കാനും വീടും പരിസരവും എന്നും വൃത്തിയാക്കി കാത്തുസൂക്ഷിക്കാനും അദ്ദേഹം ആഹ്വാനം ചെയ്തു. 2014-ൽ പ്രധാനമന്ത്രി നരേന്ദ്രമോദി വിഭാവനം ചെയ്ത സ്വച്ഛ് ഭാരത് മിഷൻ പുതിയൊരു ഭാരതത്തിലേക്കുള്ള യാത്രയായിരുന്നുവെന്നും അദ്ദേഹം കൂട്ടിച്ചേർത്തു.

സ്വച്ഛ്ഭാരത് അഭിയാനിലൂടെ ശുചിത്വം കൃത്യമായി നടപ്പിലാക്കാൻ സാധിക്കുന്നത് ലോകത്തിന്റെ ശ്രദ്ധയാകർഷിക്കുന്നുവെന്ന് സുരേഷ് ഗോപി പറഞ്ഞു. കടലോരങ്ങൾ വൃത്തിയാക്കി സൂക്ഷിക്കണമെന്ന പാഠം മനുഷ്യർ മനസിലാക്കേണ്ടതാണെന്നും അദ്ദേഹം ചൂണ്ടിക്കാട്ടി.

മഴ പെയ്യുമ്പോൾ എല്ലാ മാലിന്യങ്ങളും ഒഴുകി കടലിലേക്ക് പതിക്കുന്നതും, ഇത് ഭാവിയിൽ നമ്മുടെ തലമുറയ്ക്ക് ദോഷമായി ബാധിക്കുന്നതാണെന്ന ബോധം നമുക്കുണ്ടാവണമെന്നും അദ്ദേഹം ആവശ്യപ്പെട്ടു.

വഖഫ് ബില്ലിൽ ബ്രിട്ടാസിന്റെ രൂക്ഷവിമർശനം: സുരേഷ് ഗോപിയെയും ബിജെപിയെയും ലക്ഷ്യമിട്ട്

Story Highlights: Union Minister Suresh Gopi emphasizes importance of Swachh Bharat Mission on Gandhi Jayanti, urging cleanliness and environmental protection.