സിനിമാ മേഖലയിലെ തന്റെ ദുരിതാനുഭവങ്ങൾ തുറന്നുപറഞ്ഞ് നടി സുരഭി ലക്ഷ്മി രംഗത്തെത്തി. ഒരു സ്വകാര്യ ചാനലിന് നൽകിയ അഭിമുഖത്തിലാണ് സുരഭി മനസ്സ് തുറന്നത്. 2005 മുതൽ ചെറിയ വേഷങ്ങളിലൂടെ താൻ സിനിമയിലുണ്ടെന്നും പേരില്ലാത്ത ഒരുപാട് ചെറിയ വേഷങ്ങൾ ചെയ്തിട്ടുണ്ടെന്നും താരം വെളിപ്പെടുത്തി.
ആദ്യകാലങ്ങളിൽ കാരവാൻ സൗകര്യങ്ങൾ ഉണ്ടായിരുന്നില്ലെന്നും തുണി മറച്ചു കെട്ടിയാണ് വസ്ത്രം മാറിയതെന്നും സുരഭി പറഞ്ഞു. ബാത്റൂമിൽ പോകാൻ വൈകുന്നേരം വരെ കാത്തിരുന്ന സന്ദർഭങ്ങൾ ഉണ്ടായിട്ടുണ്ടെന്നും താരം കൂട്ടിച്ചേർത്തു. കാരവാൻ ഉള്ളിൽ എന്താണെന്ന് പോലും തനിക്കറിയില്ലായിരുന്നെന്നും ഒരിക്കൽ കാരവാനിൽ കയറിയതിന് അതിന്റെ ഡ്രൈവർ ചീത്ത പറഞ്ഞെന്നും അവർ വെളിപ്പെടുത്തി.
എ.സി റൂം തന്നിട്ടും അതിന്റെ റിമോട്ട് എടുത്ത് കൊണ്ടുപോയ സന്ദർഭങ്ങൾ ഉണ്ടായിട്ടുണ്ടെന്നും നടി പറഞ്ഞു. അസിസ്റ്റന്റ് ഡയറക്ടർമാർക്കും ഒരുപാട് ബുദ്ധിമുട്ടുകൾ ഉണ്ടാകാറുണ്ടെന്നും അത്രയധികം ജോലികൾ ഉണ്ടായാലും കൃത്യമായി ശമ്പളം കിട്ടുന്നുണ്ടാവില്ലെന്നും സുരഭി ചൂണ്ടിക്കാട്ടി. അവസരം കൊടുത്തു എന്നതിന് ഔദാര്യം പോലെ അവരോട് പെരുമാറുന്നതായി തോന്നിയിട്ടുണ്ടെന്നും താരം കൂട്ടിച്ചേർത്തു.
Story Highlights: Actress Surabhi Lakshmi reveals her struggles in the film industry, including lack of caravan facilities and mistreatment on sets.
