Supreme Court to hear NEET exam pleas, government opposes re-exam

നീറ്റ് പരീക്ഷയുമായി ബന്ധപ്പെട്ട മുപ്പതോളം ഹർജികൾ സുപ്രീംകോടതി ഇന്ന് പരിഗണിക്കും. ചീഫ് ജസ്റ്റിസ് അധ്യക്ഷനായ ബെഞ്ചാണ് ഈ ഹർജികൾ ഒരുമിച്ച് പരിഗണിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വേനൽ അവധിക്ക് ശേഷമുള്ള ആദ്യ പ്രവർത്തി ദിവസമാണ് ഇന്ന്. നീറ്റ് വിഷയത്തിൽ ഉയർന്നിരിക്കുന്ന ആരോപണങ്ങളിൽ എന്ത് തുടർനടപടികൾ സ്വീകരിക്കണമെന്ന് കോടതി തീരുമാനിക്കും.

നീറ്റ് പരീക്ഷ വീണ്ടും നടത്തുന്നത് പ്രായോഗികമല്ലെന്ന നിലപാട് കേന്ദ്രസർക്കാർ സുപ്രീംകോടതിയിൽ സത്യവാങ്മൂലത്തിലൂടെ അറിയിച്ചിട്ടുണ്ട്. ഒറ്റപ്പെട്ട അനുചിത സംഭവങ്ങളുടെ പേരിൽ പരീക്ഷയുടെ മൊത്തം സുതാര്യതയെ ചോദ്യം ചെയ്യുന്നത് ഉചിതമല്ലെന്ന് നാഷണൽ ടെസ്റ്റിംഗ് ഏജൻസിയും (എൻടിഎ) കോടതിയിൽ വ്യക്തമാക്കിയിട്ടുണ്ട്.

പട്നയിലും ഗോധ്രയിലും മാത്രമാണ് ക്രമക്കേടുകൾ നടന്നതെന്നും, ഈ ഒറ്റപ്പെട്ട സംഭവങ്ങളുടെ പേരിൽ മുഴുവൻ പരീക്ഷയും റദ്ദാക്കാനാവില്ലെന്നും എൻടിഎ അറിയിച്ചു. ഗോധ്രയിൽ ഡെപ്യൂട്ടി സൂപ്രണ്ട് തുഷാർ ഭട്ടിയുടെ സഹായത്തോടെയാണ് ക്രമക്കേട് നടന്നത്.

രാഹുൽ വിഷയത്തിൽ പ്രതികരണവുമായി കെ.സി. വേണുഗോപാൽ

മറ്റിടങ്ങളിൽ ഉയർന്ന ആരോപണങ്ങൾ ആൾമാറാട്ടവുമായി ബന്ധപ്പെട്ടതാണ്. എന്നാൽ സുതാര്യത ഉറപ്പാക്കിയാണ് പരീക്ഷ നടത്തിയതെന്നും, സംഭവത്തിൽ സിബിഐ അന്വേഷണം നടക്കുന്നുണ്ടെന്നും എൻടിഎ വ്യക്തമാക്കി.

ക്ഷേത്രത്തിന്റെ പണം ദൈവത്തിന്റേത്; സഹകരണ ബാങ്കുകളെ സഹായിക്കാനല്ലെന്ന് സുപ്രീം കോടതി