സിദ്ദിഖിന്റെ അറസ്റ്റ് തടഞ്ഞ സുപ്രീംകോടതി വിധിയെക്കുറിച്ച് നിയമമന്ത്രി പി രാജീവ് പ്രതികരിച്ചു. സര്‍ക്കാരിന് യാതൊരു വീഴ്ചയും ഉണ്ടായിട്ടില്ലെന്നും ഹൈക്കോടതിയിലും സുപ്രീംകോടതിയിലും കൃത്യമായ നിലപാട് സ്വീകരിച്ചെന്നും മന്ത്രി വ്യക്തമാക്കി. പൊലീസ് അന്വേഷണം കുറ്റമറ്റ രീതിയില്‍ നടത്തിയതായും മികച്ച അഭിഭാഷകരെ നിയോഗിച്ചതായും അദ്ദേഹം പറഞ്ഞു.
യുവനടിയെ ബലാത്സംഗം ചെയ്തെന്ന കേസിലാണ് സുപ്രീംകോടതി സിദ്ദിഖിന്റെ അറസ്റ്റ് രണ്ടാഴ്ചത്തേക്ക് തടഞ്ഞത്. വിചാരണക്കോടതി വെക്കുന്ന നിബന്ധനകള്‍ക്ക് വിധേയമായാണ് അറസ്റ്റ് തടഞ്ഞിരിക്കുന്നത്. പരാതി നല്‍കാന്‍ കാലതാമസമുണ്ടായെന്ന വാദവും കോടതി പരിഗണിച്ചു. കേസില്‍ കക്ഷി ചേരാന്‍ ശ്രമിച്ച മറ്റുള്ളവരെ കോടതി ശാസിക്കുകയും ചെയ്തു.
പ്രത്യേക അന്വേഷണ സംഘം രൂപീകരിച്ച് അന്വേഷണം നടക്കുന്നുണ്ടെന്ന് കോടതി വ്യക്തമാക്കി. സിദ്ദിഖ് അന്വേഷണവുമായി സഹകരിക്കണമെന്ന് നിര്‍ദേശിച്ചു. സിനിമയില്‍ മാത്രമല്ല ഇത്തരം സംഭവങ്ങള്‍ നടക്കുന്നതെന്നും സുപ്രീംകോടതി ചൂണ്ടിക്കാട്ടി. മുതിര്‍ന്ന അഭിഭാഷകന്‍ മുകുള്‍ റോത്തഗിയാണ് സിദ്ദിഖിനായി ഹാജരായത്.
Story Highlights: Supreme Court stays arrest of Siddique in rape case, Minister P Rajeev responds to the order
