Sunita Williams Stranded in Space: Return Journey Uncertain

അന്താരാഷ്ട്ര ബഹിരാകാശ നിലയത്തിൽ തുടരുന്ന ഇന്ത്യൻ വംശജയായ സുനിതാ വില്യംസിന്റെയും സഹയാത്രികൻ ബച്ച് വില്മോറിന്റെയും ഭൂമിയിലേക്കുള്ള മടക്കയാത്ര അനിശ്ചിതത്വത്തിലാണ്. ബോയിങ് സ്റ്റാർ ലൈനർ പേടകത്തിലെ ഹീലിയം ചോർച്ച പൂർണമായി പരിഹരിക്കാത്തതാണ് യാത്ര വൈകുന്നതിന് കാരണമെന്ന് സൂചനയുണ്ട്. മടക്കയാത്രയ്ക്കായി പേടകത്തിന്റെ പരിശോധനകൾ നടക്കുകയായിരുന്നുവെന്ന് നാസ അറിയിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിക്ഷേപണത്തിനു മുൻപും ബഹിരാകാശ നിലയത്തിലേക്കുള്ള യാത്രയ്ക്കിടയിലും പേടകത്തിൽ ഹീലിയം ചോർച്ച ഉണ്ടായിരുന്നു. സുനിതയെയും വില്മോറിനെയും ഇലോണ് മസ്കിന്റെ സ്പേസ്എക്സ് കമ്പനിയുടെ ഡ്രാഗണ് പേടകം ഉപയോഗിച്ച് തിരിച്ചെത്തിക്കാനുള്ള സാധ്യതയും പരിഗണിക്കുന്നുണ്ട്. നിലയവുമായി പേടകത്തെ ബന്ധിപ്പിക്കുന്ന സമയത്ത് സർവീസ് മോഡ്യൂളിലെ ത്രസ്റ്ററുകളിലും പിഴവുകൾ കണ്ടെത്തിയിരുന്നു.

യാത്രക്കാർ ബഹിരാകാശ നിലയത്തിൽ തുടരുന്നതിനിടയിൽ, എന്റെറോ ബക്ടർ ബുഗൻഡൻസിസ് എന്ന സൂപ്പർ ബഗ് ബാക്ടീരിയകളുടെ സാന്നിധ്യവും കണ്ടെത്തി. സുനിത വില്യംസും ബുഷ് വിൽ മോറും ഈ മാസം ഏഴിനാണ് അന്താരാഷ്ട്ര ബഹിരാകാശ നിലയത്തിൽ പ്രവേശിച്ചത്. ആദ്യം പതിമൂന്നാം തിയതി മടങ്ങുമെന്നായിരുന്നു തീരുമാനം.

ഇസ്രായേൽ-പലസ്തീൻ സംഘർഷത്തിന് 'ദ്വിരാഷ്ട്ര പരിഹാരം' മാത്രമാണ് പോംവഴിയെന്ന് പലസ്തീൻ അംബാസഡർ

പിന്നീടത് 18 ലേക്കും 23 ലേക്കും മാറ്റിയെങ്കിലും ഇപ്പോൾ മടക്കയാത്ര അനിശ്ചിതത്വത്തിലാണ്. മടക്കയാത്രയുടെ കാരണം വിശദീകരിക്കുന്നില്ലെങ്കിലും സുനിതാ വില്യംസും ബുഷ് വിൽ മോറും എപ്പോൾ ഭൂമിയിലേക്ക് എത്തും എന്ന കാര്യത്തിൽ വ്യക്തമായ തീരുമാനം നാസ അറിയിച്ചിട്ടില്ല.

ഡോണാൾഡ് ജൊഹാൻസൺ ഛിന്നഗ്രഹത്തിലെ ഉപരിതലത്തിന് നർമദയുടെ പേര് നൽകി