Sunita Williams finds joy in extended stay at International Space Station

ബഹിരാകാശ നിലയത്തിലെ ജീവിതം സന്തോഷകരമാണെന്ന് സുനിത വില്യംസ് വ്യക്തമാക്കി. അന്താരാഷ്ട്ര ബഹിരാകാശ നിലയത്തില് നിന്നും നടത്തിയ വീഡിയോ വാര്ത്താ സമ്മേളനത്തിലാണ് അവര് ഇക്കാര്യം പറഞ്ഞത്. ഭൂമിയിലെ ജീവിതത്തില് നിന്നും സ്പേസ് സ്റ്റേഷനിലേക്കുള്ള മാറ്റം അത്ര ബുദ്ധിമുട്ടേറിയതല്ലെന്നും അവര് കൂട്ടിച്ചേര്ത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്റ്റാര്ലൈനറിന്റെ ആദ്യ പരീക്ഷണ യാത്രയിലെ പൈലറ്റുമാരായി ഒരു വര്ഷത്തോളം ബഹിരാകാശത്ത് തുടരേണ്ടി വരുമെന്ന് പ്രതീക്ഷിച്ചിരുന്നില്ലെന്ന് സുനിത പറഞ്ഞു. എന്നാല് മടക്കയാത്ര വൈകിപ്പിക്കുന്ന രീതിയില് പ്രശ്നങ്ങള് ഉണ്ടാകാന് സാധ്യതയുണ്ടെന്ന് അറിയാമായിരുന്നുവെന്നും അവര് കൂട്ടിച്ചേര്ത്തു.

ഈ രംഗത്ത് കാര്യങ്ങളെല്ലാം അങ്ങനെ തന്നെയാണ് മുന്നോട്ട് പോകുന്നതെന്നും അവര് ചൂണ്ടിക്കാട്ടി. ഉടന് വീട്ടിലേക്ക് മടങ്ങാന് കഴിയില്ലെന്ന പരിഭ്രാന്തി ഉണ്ടായിരുന്നുവെന്നും, അമ്മയോടൊത്ത് സമയം ചെലവഴിക്കുന്നതിനെ കുറിച്ച് ചിന്തിച്ചിരുന്നുവെന്നും സുനിത വെളിപ്പെടുത്തി.

എന്നാല് ബഹിരാകാശത്ത് തുടരാനുള്ള തീരുമാനത്തില് നിരാശയില്ലെന്ന് ബുച്ച് വില്മോറും പ്രതികരിച്ചു. 2024 ജൂണ് അഞ്ചിന് ഒരാഴ്ച നീണ്ട ദൗത്യത്തിനായി സ്റ്റാര്ലൈനര് പേടകത്തില് യാത്ര തിരിച്ച ഇരുവരുടെയും തിരിച്ചുവരവില് പേടകത്തിലെ സാങ്കേതിക തകരാറുകള് വെല്ലുവിളിയായി.

സുനിത വില്യംസ് ഇന്ത്യ സന്ദർശിക്കും; ഐഎസ്ആർഒ ശാസ്ത്രജ്ഞരുമായി കൂടിക്കാഴ്ച നടത്തും

Story Highlights: Sunita Williams expresses contentment with life on the International Space Station, despite unexpected extended stay