SSLC, Plus Two Exam Valuation Progressing Smoothly

എസ്എസ്എൽസി, ഹയർ സെക്കൻഡറി, വിഎച്ച്എസ്സി പരീക്ഷകളുടെ മൂല്യനിർണയ പ്രക്രിയകൾ സുഗമമായി പുരോഗമിക്കുന്നതായി പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി അറിയിച്ചു. 2025 മാർച്ചിലെ എസ്എസ്എൽസി, ടിഎച്ച്എസ്എൽസി, എഎച്ച്എസ്എൽസി പരീക്ഷകളുടെ ഉത്തരക്കടലാസുകൾ മൂല്യനിർണയം ചെയ്യുന്നതിനായി സംസ്ഥാനത്തൊട്ടാകെ 72 കേന്ദ്രീകൃത ക്യാമ്പുകൾ സജ്ജമാക്കിയിട്ടുണ്ട്. ഏപ്രിൽ 3 മുതൽ 11 വരെയാണ് ആദ്യഘട്ട മൂല്യനിർണയം നടക്കുക. ഏപ്രിൽ 21 മുതൽ 26 വരെ രണ്ടാം ഘട്ട മൂല്യനിർണയവും പൂർത്തിയാകും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മൂല്യനിർണയ പ്രക്രിയയ്ക്കായി 952 അഡീഷണൽ ചീഫ് എക്സാമിനർമാർ, 8975 എക്സാമിനർമാർ എന്നിവരെ നിയോഗിച്ചിട്ടുണ്ട്. ക്യാമ്പുകളുടെ മേൽനോട്ടത്തിനായി 72 ക്യാമ്പ് ഓഫീസർമാരെയും 72 ഡെപ്യൂട്ടി ക്യാമ്പ് ഓഫീസർമാരെയും നിയമിച്ചിട്ടുണ്ട്. 216 ഓഫീസ് ജീവനക്കാരും മൂല്യനിർണയ ക്യാമ്പുകളിൽ സേവനമനുഷ്ഠിക്കുന്നുണ്ട്. ഓൺലൈൻ മാർക്ക് എൻട്രിക്ക് 144 ഐടി മാനേജർമാരെയും 288 ഡാറ്റ എൻട്രി അധ്യാപകരെയും ഉൾപ്പെടെ 720 പേരെ നിയോഗിച്ചിട്ടുണ്ട്.

ഹയർ സെക്കൻഡറി പരീക്ഷയുടെ മൂല്യനിർണയത്തിനായി 89 ക്യാമ്പുകൾ സജ്ജമാക്കിയിട്ടുണ്ട്. ഇതിൽ 63 സിംഗിൾ വാല്യുവേഷൻ ക്യാമ്പുകളും 26 ഡബിൾ വാല്യുവേഷൻ ക്യാമ്പുകളുമാണ്. സ്കീം ഫൈനലൈസേഷൻ മാർച്ച് 14 നും ഏപ്രിൽ 2 നും നടന്നു. ഏപ്രിൽ 3 മുതൽ മെയ് 10 വരെയാണ് ഹയർ സെക്കൻഡറി മൂല്യനിർണയം നടക്കുക. 24,000 അധ്യാപകരെയാണ് ഇതിനായി നിയോഗിച്ചിരിക്കുന്നത്.

ഇൻസ്റ്റാഗ്രാം പരിചയം, പീഡനം; യുവാവ് ഡൽഹിയിൽ നിന്ന് പിടിയിൽ

ഒന്നാം വർഷ ഇംപ്രൂവ്മെന്റ് ഉത്തരക്കടലാസുകളുടെ മൂല്യനിർണയമാണ് ആദ്യം നടത്തുക. തുടർന്ന് രണ്ടാം വർഷ ഉത്തരക്കടലാസുകളുടെ മൂല്യനിർണയവും പിന്നീട് ഒന്നാം വർഷ ഉത്തരക്കടലാസുകളുടെ മൂല്യനിർണയവും നടക്കും. ഒന്നാം വർഷ ഇംപ്രൂവ്മെന്റിന് 6,69,726 ഉത്തരക്കടലാസുകളും രണ്ടാം വർഷത്തിന് 26,59,449 ഉത്തരക്കടലാസുകളും ഒന്നാം വർഷത്തിന് 26,40,437 ഉത്തരക്കടലാസുകളുമാണുള്ളത്.

വിഎച്ച്എസ്സി പരീക്ഷയുടെ മൂല്യനിർണയം സംസ്ഥാനത്തെ 8 ക്യാമ്പുകളിലായാണ് നടക്കുന്നത്. ഏപ്രിൽ 2, 3 തീയതികളിൽ ഇഡി, മാനേജ്മെന്റ്, വൊക്കേഷണൽ വിഷയങ്ങളുടെ സ്കീം ഫൈനലൈസേഷൻ നടന്നു. നോൺ-വൊക്കേഷണൽ വിഷയങ്ങളുടെ സ്കീം ഫൈനലൈസേഷൻ മാർച്ച് 14, ഏപ്രിൽ 2 തീയതികളിൽ പൂർത്തിയായി. ഏപ്രിൽ 3 മുതൽ നോൺ-വൊക്കേഷണൽ വിഷയങ്ങളുടെയും ഏപ്രിൽ 7 മുതൽ വൊക്കേഷണൽ വിഷയങ്ങളുടെയും മൂല്യനിർണയം ആരംഭിച്ചു.

വിഎച്ച്എസ്സി പരീക്ഷയുടെ മൂല്യനിർണയത്തിനായി 2400 അധ്യാപകരെ നിയോഗിച്ചിട്ടുണ്ട്. ഏപ്രിൽ 20-ഓടെ ഇംപ്രൂവ്മെന്റ് മൂല്യനിർണയവും മെയ് ആദ്യവാരത്തോടെ രണ്ടാം വർഷ മൂല്യനിർണയവും പൂർത്തിയാകും. ഒന്നാം വർഷ ഇംപ്രൂവ്മെന്റ് ഉൾപ്പെടെ 2,19,633 ഉത്തരക്കടലാസുകളും രണ്ടാം വർഷത്തിൽ 1,64,145 ഉത്തരക്കടലാസുകളുമാണ് മൂല്യനിർണയം ചെയ്യേണ്ടത്. മൊത്തം 3,73,778 ഉത്തരക്കടലാസുകളാണ് മൂല്യനിർണയം ചെയ്യുന്നത്. മൂല്യനിർണയം സമയബന്ധിതമായി പൂർത്തിയാക്കുമെന്നും മന്ത്രി വി. ശിവൻകുട്ടി അറിയിച്ചു. മെയ് മൂന്നാം വാരത്തിൽ എസ്എസ്എൽസി, ഹയർ സെക്കൻഡറി പരീക്ഷാഫലങ്ങൾ പ്രഖ്യാപിക്കുമെന്നാണ് പ്രതീക്ഷ.

എസ്എസ്എൽസി, പ്ലസ് ടു പരീക്ഷകൾക്ക് ഇന്ന് സമാപനം

Story Highlights: The evaluation process for SSLC, Higher Secondary, and VHSC exams is progressing smoothly, as announced by V. Sivankutty, Minister of General Education.

എസ്എസ്എൽസി, പ്ലസ് ടു പരീക്ഷകൾക്ക് ഇന്ന് സമാപനം