SpaceX's Marslink: Bringing Internet to Mars for Space Exploration

ചൊവ്വയിൽ ഇന്റർനെറ്റ് സേവനം ലഭ്യമാക്കാൻ സ്പേസ് എക്സ് പുതിയ പദ്ധതി ആരംഭിച്ചിരിക്കുകയാണ്. മാർസ്ലിങ്ക് എന്ന പേരിലുള്ള ഈ പദ്ധതി വഴി ചൊവ്വ ദൗത്യങ്ങൾക്കായി അയക്കുന്ന ഉപഗ്രഹങ്ങളുടെ സുഗമമായ പ്രവർത്തനങ്ങൾക്ക് സഹായകമാകുമെന്നാണ് കരുതുന്നത്. നാസയുടെ നേതൃത്വത്തിലുള്ള മാർസ് എക്സ്പ്ലോറേഷൻ പ്രോഗ്രാം അനാലിസിസ് ഗ്രൂപ്പിന്റെ യോഗത്തിലാണ് ഇലോൺ മസ്ക് ഈ പദ്ധതി അവതരിപ്പിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്പേസ് എക്സിന്റെ ഉപഗ്രഹങ്ങൾ വഴിയാണ് മാർസ്ലിങ്ക് പദ്ധതിയിൽ ഇന്റർനെറ്റ് സേവനങ്ങൾ ലഭ്യമാക്കുന്നത്. ഭൂമിയിൽ സാറ്റ്ലൈറ്റ് വഴി ഇന്റർനെറ്റ് നൽകുന്ന സ്റ്റാർലിങ്ക് പദ്ധതിക്ക് സമാനമായാണ് മാർസ് ലിങ്ക് നെറ്റ്വർക്ക് സ്ഥാപിക്കുകയെന്ന് സ്പേസ് ഫ്ലൈറ്റ് ന്യൂസിന്റെ റിപ്പോർട്ടിൽ പറയുന്നു. ബ്ലൂ ഒറിജിൻ, ലോക്ക്ഹീഡ് മാർട്ടിൻ തുടങ്ങിയ കമ്പനികളും സമാനാശയവുമായി നാസയെ സമീപിച്ചിട്ടുണ്ട്.

ചൊവ്വ പര്യവേക്ഷണത്തിന് ഏറെ സാമ്പത്തികചെലവാണ് വരുന്നത്. അതിനാൽ തന്നെ സ്വകാര്യ മേഖലയുടെ നേതൃത്വത്തിലുള്ള പദ്ധതികൾ കൂടി ഉൾപ്പെടുത്താനാണ് നാസ ശ്രമിക്കുന്നത്. ചൊവ്വയിൽ ഇന്റർനെറ്റ് എന്ന ആശയം പോലെ ലേസർ അധിഷ്ഠിത ആശയവിനിമയ സാങ്കേതികവിദ്യകൾ നിർമിച്ചെടുക്കാനും നാസ പദ്ധതിയിടുന്നുണ്ട്. ഇത് ബഹിരാകാശത്ത് വേഗത്തിലും കാര്യക്ഷമമായും ഡാറ്റാ ട്രാൻസ്മിഷൻ ചെയ്യാൻ കൂടുതൽ സഹായകമാകും.

സമുദ്രത്തിനടിയിൽ ഒരു ലക്ഷത്തിലധികം മലനിരകളുണ്ടെന്ന് നാസയുടെ കണ്ടെത്തൽ

Story Highlights: SpaceX launches Marslink project to provide internet services on Mars, similar to Starlink on Earth

ഞെട്ടിക്കുന്ന കണ്ടെത്തൽ! സമുദ്രത്തിനടിയിൽ ഒരു ലക്ഷത്തിലധികം മലനിരകളെന്ന് നാസ