Southern Railway Faces Severe Staff Shortage: 13,977 Vacancies

ദക്ഷിണ റെയിൽവേയിൽ നിരവധി തസ്തികകൾ ഒഴിഞ്ഞുകിടക്കുന്നതായി റിപ്പോർട്ട്. വിവിധ ഡിവിഷനുകളിലായി 13,977 തസ്തികകളാണ് നിലവിൽ ഒഴിവുള്ളത്. ഇതിൽ പകുതിയോളം സുരക്ഷാ വിഭാഗത്തിലാണെന്നും വ്യക്തമായിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പട്ടികജാതി-പട്ടികവർഗ വിഭാഗങ്ങൾക്കായി സംവരണം ചെയ്തിട്ടുള്ള 22 ശതമാനം തസ്തികകളും നികത്താനുണ്ട്. ഈ വിവരങ്ങൾ റെയിൽവേയുടെ ഔദ്യോഗിക പട്ടികയിൽ നിന്നാണ് ലഭ്യമായത്. ലോക്കോ പൈലറ്റ്, സ്റ്റേഷൻ മാസ്റ്റർ, ഗാർഡ്, സിഗ്നൽ വിഭാഗം, ഗേറ്റ്മാൻ തുടങ്ങി പ്രധാനപ്പെട്ട എല്ലാ തസ്തികകളിലും വർഷങ്ങളായി ഒഴിവുകൾ നിലനിൽക്കുന്നു.

മതിയായ ജീവനക്കാരില്ലാത്തതിനാൽ നിലവിലുള്ള ജീവനക്കാർ വലിയ സമ്മർദവും ജോലിഭാരവും അനുഭവിക്കുന്നുണ്ട്. അഞ്ചു വർഷം മുൻപ് 1,20,000 തസ്തികകൾ ഉണ്ടായിരുന്ന ദക്ഷിണ റെയിൽവേയിൽ ഇപ്പോൾ 94,727 തസ്തികകൾ മാത്രമാണുള്ളത്. രാജ്യത്തെ പൊതുഗതാഗത സംവിധാനമായ റെയിൽവേയെ കേന്ദ്രം പടിപടിയായി തകർക്കുകയാണെന്ന വിമർശനം ഉയർന്നുവരുന്നുണ്ട്.

നിലവിലുള്ള തസ്തികകൾ വെട്ടിക്കുറയ്ക്കാനാണ് അധികൃതരുടെ ശ്രമം. ഈ അനാസ്ഥ തുടർന്നാൽ അത് റെയിൽവേ സംവിധാനത്തിന്റെ തകർച്ചയ്ക്ക് വഴിവെക്കുമെന്ന ആശങ്കയും നിലനിൽക്കുന്നു. തസ്തികകൾ നികത്താതെയുള്ള ഈ പ്രവണത റെയിൽവേയുടെ പ്രവർത്തനത്തെയും സുരക്ഷയെയും ബാധിക്കുമെന്ന് വ്യക്തമാണ്.

കേരള സർവകലാശാല അക്കാദമിക് കൗൺസിൽ യോഗം വിസി മാറ്റിവെച്ചതിൽ പ്രതിഷേധം

Story Highlights: Southern Railway faces severe staff shortage with 13,977 vacancies, including critical safety positions, impacting operations and employee workload.

സംസ്ഥാന ജയിലുകളിൽ സുരക്ഷാ ജീവനക്കാരില്ല;ജയിൽ വ്യവസായ സംരംഭങ്ങളിലും പണിയെടുത്ത് ഉദ്യോഗസ്ഥർ