ട്വൻറി 20 ലോകകപ്പിൽ വെസ്റ്റിൻഡീസിനെതിരെ ദക്ഷിണാഫ്രിക്കയ്ക്ക് തകർപ്പൻ ജയം.
സ്കോർ: വെസ്റ്റ് ഇൻഡീസ് 20 ഓവറിൽ എട്ടിന് 143, ദക്ഷിണാഫ്രിക്ക 18.2 ഓവറിൽ രണ്ടിന് 144.
മികച്ച പ്രകടനം കാഴ്ചവെച്ച ദക്ഷിണാഫ്രിക്കൻ ടീം സൂപ്പർ 12ലെ ആദ്യ വിജയം സ്വന്തമാക്കി.
എയ്ഡൻ മാർക്രമിന്റെ അർധ സെഞ്ചുറിയാണ് ടീമിനെ വിജയത്തിലെത്തിച്ചത്.റാസി വാൻ ഡെർ ഡ്യൂസനും റീസ ഹെൻഡ്രിക്സും ബാറ്റിംഗിൽ തകർത്താടി.
മത്സരത്തിൽ ഒരു സ്ഥലത്ത് പോലും ആധിപത്യം പുലർത്താൻ വെസ്റ്റിൻഡീസ് സഖ്യത്തിന് ആയില്ല.
ആദ്യ മത്സരത്തിൽ ഇംഗ്ലണ്ടിനോട് തോറ്റ വെസ്റ്റിൻഡീസിന്റെ രണ്ടാം തോൽവിയാണിത്. ഇതോടെ വിൻഡീസ് ടീമിനെ സെമി ഫൈനൽ പ്രവേശനം ദുഷ്കരമായി.
144 റൺസായിരുന്നു പ്രോട്ടീയസിന്റെ വിജയലക്ഷ്യം.ആദ്യ ഓവറിൽ തന്നെ നായകൻ പുറത്തായി. വെറും രണ്ട് റൺ മാത്രം നേടി റണ്ണൗട്ട് ആയാണ് താരം പോയത്.
ഡ്യൂസനും മറ്റൊരു ഓപ്പണറായ റീസ ഹെൻഡ്രിക്സും ചേർന്ന് ദക്ഷിണാഫ്രിക്കൻ ടീമിനെ കരകയറ്റി.
Story highlight : South Africa beat West Indies by 8 wickets
