German tourist's social experiment in Kerala goes viral

ജർമ്മൻ വിനോദസഞ്ചാരി യൂനസ് സാരു കേരളത്തിൽ നടത്തിയ ഒരു സോഷ്യൽ എക്സിപിരിമെന്റ് വീഡിയോ സാമൂഹ്യ മാധ്യമങ്ങളിൽ ശ്രദ്ധ നേടുന്നു. ഇന്ത്യ എത്രത്തോളം സുരക്ഷിതമാണെന്ന് തെളിയിക്കുന്ന ഈ വീഡിയോ ഇൻസ്റ്റാഗ്രാമിൽ 40 ദശലക്ഷത്തിലേറെ ആളുകൾ കണ്ടിട്ടുണ്ട്. ആളുകളുടെ പ്രതികരണം അറിയാനായി തിരക്കേറിയ ഒരിടത്ത് ഐ ഫോൺ ഉപേക്ഷിച്ച ശേഷം യൂനസ് അത് വീഡിയോയിൽ പകർത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ പരീക്ഷണത്തിന്റെ പ്രധാന ലക്ഷ്യം പൊതുജനങ്ങൾ ഒരു ഫോൺ കണ്ടാൽ എങ്ങനെ പ്രതികരിക്കുന്നു എന്ന് നിരീക്ഷിക്കുക എന്നതായിരുന്നു. വൈകുന്നേരം 4.30-ന് യൂനസ് സാരു പരീക്ഷണം ആരംഭിച്ചു. ഒരു ബെഞ്ചിൽ ഐ ഫോൺ വെച്ച് യൂനസ് മാറി നിന്നു.

പല ആളുകളും ആ ബെഞ്ചിനരികിലൂടെ കടന്നുപോയെങ്കിലും ആരും ഫോൺ എടുക്കാൻ ശ്രമിച്ചില്ല. ചിലർ ഫോൺ ശ്രദ്ധിച്ചെങ്കിലും എടുക്കാതെ കടന്നുപോയി. വൈകുന്നേരം 5.30 വരെ ആരും ആ ഫോൺ എടുത്തില്ല.

വൈകുന്നേരം 6 മണിയോടെ യൂനസ് പരീക്ഷണം അവസാനിപ്പിച്ചു. യൂനസ് സാരുവിന്റെ ഈ വീഡിയോ ഇതിനോടകം തന്നെ വൈറലായി കഴിഞ്ഞു. ഇതിന് അനുകൂലിച്ചും പ്രതികൂലിച്ചും നിരവധി കമന്റുകളാണ് വന്നുകൊണ്ടിരിക്കുന്നത്.

View this post on Instagram

A post shared by Younes Zarou (@youneszarou)

യൂനസ് സാരു 2019-ൽ ടിക് ടോക്കിലൂടെ പ്രശസ്തനായ സോഷ്യൽ മീഡിയ ഇൻഫ്ലുവൻസറാണ്. ആളുകളുടെ സത്യസന്ധതയും പ്രതികരണശേഷിയും അളക്കുന്ന ഇത്തരം പരീക്ഷണങ്ങൾ അദ്ദേഹം തുടർന്ന് നടത്താറുണ്ട്.

Story Highlights: ജർമ്മൻ പൗരൻ കേരളത്തിൽ നടത്തിയ സോഷ്യൽ എക്സ്പിരിമെന്റ് വൈറലാകുന്നു, ആളുകൾ ഒരു ഫോൺ കണ്ടാൽ എങ്ങനെ പ്രതികരിക്കുന്നു എന്ന് അറിയുവാനായിരുന്നു പരീക്ഷണം.

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്