Snowball Earth Theory: New Evidence from Rocky Mountains

കൊളറാഡോ യൂണിവേഴ്സിറ്റി ബൗൾഡർ സർവകലാശാലയിലെ ഗവേഷകർ സ്നോബോൾ എർത്ത് സിദ്ധാന്തത്തിന് ശക്തമായ തെളിവ് കണ്ടെത്തി. 70 കോടി വർഷം മുൻപ് ഭൂമി ഒരു വെളുത്ത പന്തുപോലെ ഐസ് നിറഞ്ഞ ഗോളമായി മാറിയെന്ന് ഈ സിദ്ധാന്തം പറയുന്നു. കൊളറാഡോയിലെ റോക്കി മലനിരകളിൽ നിന്നും ശേഖരിച്ച തെളിവുകളാണ് ഇതിന് ആധാരം. പൈക്സ് കൊടുമുടിയിലെ പെബ്ലി സാൻഡ്സ്റ്റോണുകളിലെ ഘടനാവ്യത്യാസങ്ങൾ പരിശോധിച്ചാണ് ഗവേഷകർ ഈ നിഗമനത്തിലെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വമ്പൻ ഹിമയുഗം ഏകദേശം 6 കോടി വർഷങ്ങളോളം നീണ്ടുനിന്നു. ദിനോസറുകൾ ഭൂമിയിൽ വിഹരിക്കുന്നതിനു വളരെ മുൻപ് തന്നെ ഇത് അവസാനിച്ചു. ഈ കാലഘട്ടത്തിൽ ബഹുകോശജീവികളോ സസ്യജാലങ്ങളോ ഭൂമിയിൽ വ്യാപകമായിരുന്നില്ല. അന്തരീക്ഷ കാർബൺ ഡയോക്സൈഡിന്റെ ചംക്രമണം അഗ്നിപർവതങ്ങളും പാറകളുമാണ് നിയന്ത്രിച്ചിരുന്നത്. ഭൗമപ്ലേറ്റുകളിൽ ഘടനാപരമായ പുനക്രമീകരണവും നടന്നു.

ഈ പുനക്രമീകരണം മൂലം അഗ്നിപർവതങ്ങളിൽ നിന്നുള്ള കാർബൺ ഡയോക്സൈഡ് പുറന്തള്ളൽ കുറഞ്ഞു. അതേസമയം, ഇപ്പോഴത്തെ കാനഡ മേഖലയിലെ പാറക്കെട്ടുകളിലും പർവതങ്ങളിലും വലിയ തോതിൽ ശോഷണം സംഭവിച്ചു. ഈ ശോഷണ പ്രക്രിയ കാർബൺ ഡയോക്സൈഡിനെ വലിച്ചെടുത്തു. ഈ രണ്ട് പ്രവർത്തനങ്ങളുടെ ഫലമായി ഭൗമാന്തരീക്ഷത്തിൽ കാർബൺ ഡയോക്സൈഡിന്റെ അളവ് ഗണ്യമായി കുറഞ്ഞു. തുടർന്നാണ് ഭൂമി ഒരു ഹിമഗോളമായി മാറിയത്. സ്നോബോൾ എർത്ത് എന്നറിയപ്പെടുന്ന ഈ പ്രതിഭാസത്തിന്റെ തെളിവുകൾ ഇന്നും ഭൂമിക്കടിയിലുണ്ടെന്ന് ഗവേഷകർ മുൻപ് സൂചിപ്പിച്ചിരുന്നു.