Skoda Enyaq EV: India Launch in 2025, Features and Specifications

സ്കോഡയുടെ ഇലക്ട്രിക് കാറായ എൻയാക്ക് ഇവി 2025-ൽ ഇന്ത്യയിൽ അവതരിപ്പിക്കാൻ ഒരുങ്ങുകയാണ്. ആദ്യം ഈ വർഷം തന്നെ വാഹനം എത്തിക്കാനായിരുന്നു പദ്ധതിയെങ്കിലും പിന്നീട് മാറ്റി. ജനുവരിയിൽ നടക്കുന്ന ഭാരത് മൊബിലിറ്റി ഷോയിൽ എൻയാക്ക് 80 വേരിയന്റ് പ്രദർശിപ്പിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്കോഡയുടെ എംഇബി പ്ലാറ്റ്ഫോമിൽ നിർമ്മിച്ചിരിക്കുന്ന എൻയാക് 80-ൽ 82kWh ബാറ്ററി പാക്കാണുള്ളത്. ഒറ്റ ചാർജിൽ 500 കിലോമീറ്ററിലധികം സഞ്ചരിക്കാൻ കഴിയുമെന്ന് അവകാശപ്പെടുന്നു. 282 ബിഎച്ച്പി പവറും 310 എൻഎം ടോർക്കും നൽകുന്ന ഇലക്ട്രിക് മോട്ടോറാണ് ഇതിലുള്ളത്. 6.7 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കുമെന്നും 125kW ഫാസ്റ്റ് ചാർജർ ഉപയോഗിച്ച് 28 മിനിറ്റിനുള്ളിൽ 10-80 ശതമാനം വരെ ചാർജ് ചെയ്യാമെന്നും കമ്പനി അവകാശപ്പെടുന്നു.

4648 എംഎം നീളവും 1879 എംഎം വീതിയും 1616 എംഎം ഉയരവുമുള്ള ഈ ഇലക്ട്രിക് എസ്യുവിയുടെ വീൽബേസ് 2765 എംഎം ആണ്. കൊഡിയാകിനേക്കാൾ അൽപ്പം ചെറുതാണിത്. അകത്തളത്തിൽ സുസ്ഥിരവും റീസൈക്കിൾ ചെയ്തതുമായ വസ്തുക്കളാണ് ഉപയോഗിച്ചിരിക്കുന്നതെന്ന് സ്കോഡ അവകാശപ്പെടുന്നു. 5.3 ഇഞ്ച് ഡിജിറ്റൽ ഇൻസ്ട്രുമെൻ്റ് ക്ലസ്റ്റർ, ലെതർ-മൈക്രോ ഫൈബർ അപ്ഹോൾസ്റ്ററി, ആംബിയൻ്റ് ലൈറ്റിംഗ്, വോയ്സ് അസിസ്റ്റൻസ്, 19 ഇഞ്ച് അലോയ് വീലുകൾ, എൽഇഡി ലൈറ്റുകൾ തുടങ്ങിയ സവിശേഷതകളും വാഹനത്തിലുണ്ട്.