Siraj supports Waqf claim in Munambam land dispute

മുനമ്പത്തെ ഭൂമി തർക്കത്തിൽ വഖഫ് അവകാശവാദത്തെ പിന്തുണച്ച് സമസ്ത എ പി വിഭാഗത്തിന്റെ മുഖപത്രമായ സിറാജ് രംഗത്തെത്തി. വഖഫ് ഭൂമി വിൽപ്പന നടത്തിയത് ക്രിമിനൽ ഗൂഢാലോചനയാണെന്നും മുസ്ലിം കോർഡിനേഷൻ കമ്മിറ്റിയുടെ നീക്കങ്ങളെ സംശയത്തോടെ കാണുന്നുവെന്നും മുഖപ്രസംഗം വിമർശിക്കുന്നു. മത സാമുദായിക വ്യത്യാസമില്ലാതെ മുനമ്പം ജനതയുടെ ഭൂസംരക്ഷണ സമരത്തിന് ഐക്യദാർഢ്യം ഏറി വരുന്ന സാഹചര്യത്തിലാണ് സിറാജിലെ മുഖപ്രസംഗം ചർച്ചയാകുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുനമ്പത്തെ ഭൂമി വഖഫ് ഭൂമി തന്നെയാണെന്നും അത് തിരിച്ചു പിടിക്കണമെന്നും മുഖപ്രസംഗത്തിൽ പറയുന്നു. പണം കൊടുത്തു സ്ഥലം വാങ്ങിയവർ കബളിപ്പിക്കപ്പെടുകയായിരുന്നുവെന്നും ഭൂമി വിൽപ്പനയിൽ നടന്നത് ക്രിമിനൽ ഗൂഢാലോചനയാണെന്നും ലേഖനം ചൂണ്ടിക്കാട്ടുന്നു. ഫാറൂഖ് കോളേജിന്റെ കൈയിൽ നിന്നുമായിരുന്നു മുനമ്പം സ്വദേശികൾ ഭൂമി വാങ്ങിയത്. മുസ്ലിം കോർഡിനേഷൻ കമ്മിറ്റിയുടെ ഭാഗമായി പ്രതിഷേധക്കാർക്ക് അനുകൂലമായ നിലപാടുകൾ വന്നിരുന്നെങ്കിലും, ഈ തീരുമാനത്തിന് പിന്നിൽ സത്യം പുറത്തുവരും എന്ന ഭയമാണെന്ന് ലേഖനം കുറ്റപ്പെടുത്തുന്നു.

റഷീദലി തങ്ങൾ വഖഫ് ബോർഡ് ചെയർമാൻ ആയിരുന്ന സമയത്താണ് മുനമ്പത്ത് വഖഫ് അവകാശവാദം ഉയർന്നു വന്നതെന്ന് ഭരണപക്ഷവും വിഎസ് ഭരണകാലത്താണ് വഖഫ് അവകാശവാദത്തിന് നിർദ്ദേശം ഉണ്ടായതെന്നു പ്രതിപക്ഷവും പരസ്പരം പഴിചാരി. കേന്ദ്ര മന്ത്രിമാരെ വരെ കളത്തിലിറക്കി രാഷ്ട്രീയമായി പ്രശ്നത്തെ സമീപിക്കുന്ന സമീപനമായിരുന്നു ബിജെപി സ്വീകരിച്ചത്. ഭൂമി തർക്കത്തിൽ പെട്ട് കിടക്കുന്ന ഇരകളെ പുനരധിവസിപ്പിക്കണമെന്നും സിറാജിന്റെ മുഖപ്രസംഗത്തിൽ പറയുന്നുണ്ട്. സമസ്തയുടെ നേതാവായിട്ടുള്ള ഉമ്മർ ഫൈസി മുക്കം തന്നെ കഴിഞ്ഞ ദിവസം വഖഫ്ന് അനുകൂലമായ നിലപാട് സ്വീകരിച്ചിരുന്നു.

രാഹുൽ വിഷയത്തിൽ പ്രതികരണവുമായി കെ.സി. വേണുഗോപാൽ

Story Highlights: Siraj newspaper supports Waqf claim in Munambam land dispute, criticizes Muslim Coordination Committee

മുനമ്പം ഭൂസമരം താൽക്കാലികമായി അവസാനിപ്പിച്ചു; പ്രതിഷേധം തുടരുമെന്ന് മറുവിഭാഗം