ഇരിട്ടി കാക്കയങ്ങാട്, വിളക്കോട് സ്വദേശിയും നടനും സാംസ്‌കാരിക പ്രവര്‍ത്തകനുമായ സിനോജ് മാക്‌സ് ആദ്യമായി നായകനാകുന്ന ‘ക്രൗര്യം’ എന്ന ചിത്രം തിയേറ്ററുകളിലെത്തി. റിവഞ്ച് ത്രില്ലര്‍ വിഭാഗത്തില്‍പ്പെടുന്ന ഈ സിനിമയുടെ കഥയും തിരക്കഥയും ഒരുക്കിയിരിക്കുന്നത് പ്രദീപ് പണിക്കരാണ്. റിമംബര്‍ സിനിമാസിന്റെ ബാനറില്‍ സന്ദീപ് അജിത്ത് കുമാര്‍ സംവിധാനം ചെയ്ത ചിത്രത്തില്‍ നിരവധി പുതുമുഖങ്ങളും അണിനിരക്കുന്നുണ്ട്.
സുരേഷ് ഐശ്വര്യ, ഷംസിര്‍, ഡിവൈന്‍ ക്രിയേഷന്‍സ് എന്നിവരാണ് സിനിമ നിര്‍മ്മിക്കുന്നത്. സിനോജ് മാക്‌സിനെ കൂടാതെ ആദി ഷാന്‍, ഗാവന്‍ റോയ്, ഏയ്ഞ്ചല്‍ മോഹന്‍, നൈറ നിഹാര്‍, റോഷില്‍ പി.രഞ്ചിത്ത്, കുട്ട്യേടത്തി വിലാസിനി, വിജയന്‍ വി നായര്‍, നിസാം ചില്ലു, ഇസ്മായില്‍ മഞ്ഞാലി, ശ്രീലക്ഷ്മി ഹരിദാസ്, നിമിഷ ബിജോ, പ്രഭ വിജയമോഹന്‍ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത് നഹിയാനാണ്. ചിത്ര സംയോജനം നിര്‍വഹിച്ചത് ഗ്രേയ്‌സണാണ്. ഗാനരചനയും സംഗീത സംവിധാനവും അനുകുരിശിങ്കലും പാടിയത് വിധു പ്രതാപുമാണ്. ഫിഡല്‍ അശോക് ആണ് പശ്ചാത്തല സംഗീതം നിര്‍വ്വഹിച്ചത്. ഈ ചിത്രത്തിലൂടെ സിനോജ് മാക്‌സ് ആദ്യമായി നായകനായി അഭിനയിക്കുകയാണ്.
Story Highlights: Sinoy Max debuts as lead actor in revenge thriller ‘Krouryam’ directed by Sandeep Ajith Kumar
