ശർമിഷ്ഠ പനോളിയെന്ന 22 വയസ്സുകാരിയുടെ അറസ്റ്റും അതിനോടനുബന്ധിച്ചുള്ള രാഷ്ട്രീയ വിവാദങ്ങളുമാണ് ഇപ്പോൾ പശ്ചിമബംഗാളിൽ പ്രധാന ചർച്ചാവിഷയം. മതവികാരം വ്രണപ്പെടുത്തിയെന്നാരോപിച്ച് അറസ്റ്റിലായ നിയമ വിദ്യാർത്ഥിനിയും സോഷ്യൽ മീഡിയ ഇൻഫ്ലുവൻസറുമായ ശർമിഷ്ഠ പനോലിയെ 14 ദിവസത്തെ ജുഡീഷ്യൽ കസ്റ്റഡിയിൽ വിട്ടതോടെ അന്താരാഷ്ട്ര തീവ്രവലതുപക്ഷ നേതാക്കൾ വരെ പിന്തുണയുമായി രംഗത്തെത്തിയിട്ടുണ്ട്. ശർമിഷ്ഠക്കെതിരെ ഭാരതീയ ന്യായ സംഹിതയിലെ വിവിധ വകുപ്പുകൾ പ്രകാരം കേസെടുത്തിട്ടുണ്ട്. അറസ്റ്റിനെ രാഷ്ട്രീയമായി ഉപയോഗിക്കാൻ ബിജെപി ശ്രമിക്കുന്നുവെന്ന് ആരോപണമുണ്ട്.
മെയ് 14-ന് ശർമിഷ്ഠ പനോളി സോഷ്യൽ മീഡിയയിൽ പോസ്റ്റ് ചെയ്ത വീഡിയോ വലിയ വിവാദങ്ങൾക്ക് വഴിവെച്ചു. ഈ വീഡിയോയിൽ, ഓപ്പറേഷൻ സിന്ദൂരിനെക്കുറിച്ച് മൗനം പാലിച്ചതിന് ബോളിവുഡ് താരങ്ങളെ വിമർശിച്ചു. പ്രവാചകൻ മുഹമ്മദിനെതിരെയും പ്രത്യേക വിഭാഗങ്ങൾക്കെതിരെയും വർഗീയ പരാമർശങ്ങൾ നടത്തിയെന്നും ആരോപണമുണ്ട്.
ശർമിഷ്ഠ പനോലിക്കെതിരെ ഭാരതീയ ന്യായ സംഹിത പ്രകാരം സമുദായങ്ങൾക്കിടയിൽ ശത്രുത വളർത്തൽ, മതവികാരം വ്രണപ്പെടുത്തൽ തുടങ്ങിയ വകുപ്പുകൾ ചുമത്തിയിട്ടുണ്ട്. ഇതിനോടകം തന്നെ അറസ്റ്റിനെ രാഷ്ട്രീയമായി ഉപയോഗിക്കാനുള്ള ശ്രമങ്ങൾ ബിജെപി ആരംഭിച്ചു കഴിഞ്ഞു. ബിജെപി നേതാക്കളായ സുവേന്ദു അധികാരി, അമിത് മാളവ്യ, നടി കങ്കണ റണൗട് എന്നിവർ മമത സർക്കാരിനെതിരെ രംഗത്തെത്തി.
ശർമിഷ്ഠയുടെ അറസ്റ്റിനെതിരെ ഡച്ച് പാർലമെന്റ് അംഗവും വലതുപക്ഷ പാർട്ടി ഫോർ ഫ്രീഡം നേതാവുമായ ഗീർട്ട് വൈൽഡേഴ്സ് രംഗത്തെത്തി. പനോളിയുടെ അറസ്റ്റ് ആവിഷ്കാര സ്വാതന്ത്ര്യത്തിന് അപമാനമാണെന്ന് അദ്ദേഹം വിശേഷിപ്പിച്ചു. പുണെ നിയമ സർവകലാശാലയിലെ വിദ്യാർത്ഥിയായ ശർമിഷ്ഠ സോഷ്യൽ മീഡിയയിൽ 1.75 ലക്ഷം ഫോളോവേഴ്ഴ്സുണ്ട്.
അതേസമയം, ബിജെപി വിഭാഗീയ രാഷ്ട്രീയം കളിച്ച് വർഗീയ കലാപങ്ങൾ സൃഷ്ടിക്കാൻ ശ്രമിക്കുന്നുവെന്ന് മമതാ ബാനർജി തിരിച്ചടിച്ചു. ‘ഒരു കാരണവുമില്ലാതെ ഇന്ത്യ പാകിസ്ഥാനെതിരെ വെടിയുതിർത്തത് എന്തുകൊണ്ടാണെന്ന്’ ചോദിച്ച ഒരാൾക്ക് മറുപടിയായി ഇട്ട വീഡിയോയിലാണ് ശർമിഷ്ഠ കടുത്ത രീതിയിൽ സംസാരിച്ചത്. ഓപ്പറേഷൻ സിന്ദൂരിനെക്കുറിച്ച് മൗനം പാലിച്ച അഭിനേതാക്കളെ വിമർശിക്കുകയും പ്രത്യേക സമുദായത്തിനെതിരെ വർഗീയ പരാമർശം നടത്തുകയും ചെയ്തു.
അറസ്റ്റിലായതിന് പിന്നാലെ വീഡിയോ ഡിലീറ്റ് ചെയ്ത് മാപ്പ് പറയാൻ ശർമിഷ്ഠ ശ്രമിച്ചെങ്കിലും ഫലമുണ്ടായില്ല. തുടർന്ന് കൊൽക്കത്ത പൊലീസ് ഇവരെ കസ്റ്റഡിയിലെടുത്തു. ആന്ധ്രപ്രദേശ് ഉപമുഖ്യമന്ത്രി പവൻ കല്യാണും ഈ വിഷയത്തിൽ വിമർശനവുമായി രംഗത്തെത്തിയിട്ടുണ്ട്.
മതവിഭാഗങ്ങൾക്കിടയിൽ ശത്രുത വളർത്തിയെന്ന കാരണത്താൽ ഭാരതീയ ന്യായ സംഹിതയിലെ വകുപ്പുകൾ പ്രകാരം അധികൃതർ എഫ്ഐആർ ഫയൽ ചെയ്തു. പല വിഡിയോകളിലും കടുത്ത വാക്കുകളും അധിക്ഷേപങ്ങളും ഉപയോഗിച്ചുള്ള ശർമിഷ്ഠയുടെ അവതരണരീതി വിമർശിക്കപ്പെട്ടിട്ടുണ്ട്.
Story Highlights: മതവികാരം വ്രണപ്പെടുത്തിയെന്നാരോപിച്ച് അറസ്റ്റിലായ ശർമിഷ്ഠ പനോളിയെ 14 ദിവസത്തെ ജുഡീഷ്യൽ കസ്റ്റഡിയിൽ വിട്ടു.
