ഷാരൂഖ് ഖാന്‍ 30 വര്‍ഷത്തെ പുകവലി ഉപേക്ഷിക്കുന്നു; ജന്മദിനാഘോഷത്തില്‍ പ്രഖ്യാപനം

ഷാരൂഖ് ഖാന്‍ തന്റെ 59-ാം ജന്മദിനാഘോഷവുമായി ബന്ധപ്പെട്ട് ആരാധകര്‍ സംഘടിപ്പിച്ച പരിപാടിയില്‍ പങ്കെടുക്കുന്നതിനിടെയാണ് പുകവലി ഉപേക്ഷിക്കാനുള്ള തീരുമാനം പ്രഖ്യാപിച്ചത്. 30 വര്‍ഷത്തോളം താന്‍ ചെയിന്‍ സ്‌മോക്കര്‍ ആയിരുന്നുവെന്നും പിന്നീടാണ് ഉപേക്ഷിക്കാന്‍ തീരുമാനിച്ചതെന്നും അദ്ദേഹം വെളിപ്പെടുത്തി. എന്നാല്‍, ഈ തീരുമാനത്തെ മാതൃകയായി കാണരുതെന്നാണ് ഷാരൂഖ് പറയുന്നത്. 2011-ല്‍ ഒരു മാധ്യമത്തിന് നല്‍കിയ അഭിമുഖത്തില്‍ താന്‍ ഒരു ദിവസം ഏകദേശം 100 സിഗരറ്റുകള്‍ വലിക്കുമെന്നായിരുന്നു താരം പറഞ്ഞത്. ഭക്ഷണം കഴിക്കാന്‍ മറക്കുക പതിവാണെന്നും അധികം വെള്ളം കുടിക്കുന്ന ശീലമില്ലെന്നും പറഞ്ഞ ഷാരൂഖ് തനിക്ക് 30 കപ്പ് കട്ടന്‍ കാപ്പി നിര്‍ബന്ധമാണെന്നും കൂട്ടിച്ചേര്‍ത്തു. ഒരു താഴ്ന്ന ഇടത്തരം കുടുംബത്തില്‍ നിന്നാണ് താന്‍ വരുന്നതെന്നും മാതാപിതാക്കള്‍ പഠിപ്പിക്കാന്‍ ആഗ്രഹിച്ചതുകൊണ്ടാണ് തനിക്ക് വിദ്യാഭ്യാസം ലഭിച്ചതെന്നും ഷാരൂഖ് ആരാധകരെ അഭിസംബോധന ചെയ്തു സംസാരിച്ചു. കഠിനാധ്വാനം പോലെ പ്രാധാന്യമാണ് സ്വപ്നം കാണുകയും പിന്തുടരുകയും ചെയ്യുന്നതെന്നും വിജയം സുനിശ്ചിതമാകുമെന്നും ആരാധകരെ പ്രചോദിപ്പിച്ചു കൊണ്ട് താരം പറഞ്ഞു. Story Highlights: Shah Rukh Khan announces decision to quit smoking after 30 years at his 59th birthday celebration