Shah Rukh Khan Quits Smoking on 59th Birthday, Surprises Fans

ഷാരൂഖ് ഖാൻ തന്റെ 59-ാം ജന്മദിനത്തിൽ ആരാധകരെ അമ്പരപ്പിച്ചുകൊണ്ട് പുകവലി പൂർണമായി ഉപേക്ഷിച്ചതായി പ്രഖ്യാപിച്ചു. ബാന്ദ്രയിൽ സംഘടിപ്പിച്ച മീറ്റ് ആൻ്റ് ഗ്രീറ്റ് പരിപാടിക്കിടെയാണ് കിംഗ് ഖാൻ ഈ വിവരം പങ്കുവെച്ചത്. “ഒരു നല്ല കാര്യമുണ്ട് – ഞാൻ ഇനി പുകവലിക്കില്ല, സുഹൃത്തുക്കളേ,” എന്ന് പറഞ്ഞാണ് താരം തന്റെ തീരുമാനം ആരാധകരെ അറിയിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആരോഗ്യം മെച്ചപ്പെടുത്താൻ ഈ ശീലം ഉപേക്ഷിക്കേണ്ടത് അനിവാര്യമാണെന്നും അദ്ദേഹം കൂട്ടിച്ചേർത്തു. പുകവലി ശീലങ്ങളെക്കുറിച്ച് പണ്ടേ തുറന്നു പറഞ്ഞിരുന്ന നടൻ, ഒരു ദിവസം 100 സിഗരറ്റ് വരെ വലിക്കുമായിരുന്നുവെന്ന് വെളിപ്പെടുത്തി.

എന്നാൽ ഇതാദ്യമായാണ് പുകവലി പൂർണമായി ഉപേക്ഷിച്ച കാര്യം ആരാധകരോട് പങ്കുവയ്ക്കുന്നത്. താരത്തിന്റെ പ്രഖ്യാപനം കേട്ട് ആരാധകർക്കും സന്തോഷമായി. ഇക്കുറി പതിവിന് വിപരീതമായി ആരാധകരെ കാണാൻ താരം മന്നത്തിന്റെ ബാൽക്കണിയിൽ എത്തിയിരുന്നില്ല. പകരം ഫാൻസ് ക്ലബ്ബുകൾ സംഘടിപ്പിച്ച പ്രത്യേക ജന്മദിന പരിപാടിയിൽ പങ്കെടുക്കുകയായിരുന്നു.

കമൽഹാസനും മോഹൻലാലും വിസ്മയിപ്പിക്കുന്ന നടൻമാർ: രവി കെ ചന്ദ്രൻ

എല്ലാ വർഷവും തന്റെ ജന്മദിനത്തിൽ, ഷാരൂഖ് ഖാൻ ഒരു ആചാരം പോലെ വീടിനോട് ചേർന്ന് പ്രത്യേകം സജ്ജമാക്കിയ ബാൽക്കണിയിലെത്തി ആരാധകരെ കൈവീശി അഭിവാദ്യം ചെയ്യുമായിരുന്നു. ഈദ്, ജന്മദിനം തുടങ്ങിയ വിശേഷാവസരങ്ങളെ താരം ഈ ബാൽക്കണിയിലെത്തിയാണ് ആരാധകരോടൊപ്പം ആഘോഷമാക്കിയിരുന്നത്.

എന്നാൽ ഇത്തവണ താരം തന്റെ ജീവിതശൈലിയിലെ മാറ്റത്തോടുള്ള പുതിയ ക്രമീകരണം ആരാധകരുമായി പങ്കുവെക്കുകയായിരുന്നു.

Story Highlights: Shah Rukh Khan announces quitting smoking on his 59th birthday, surprising fans at a meet and greet event in Bandra.

സിനിമാ അഭിനയം നിർത്താനൊരുങ്ങി ആമിർ ഖാൻ? മഹാഭാരതം അവസാന ചിത്രമായേക്കും