പാലക്കാട് ഉപതെരഞ്ഞെടുപ്പിൽ രാഹുൽ മാങ്കൂട്ടത്തിന് വൻ വിജയം പ്രവചിച്ച് കോൺഗ്രസ് നേതാവ് ഷാഫി പറമ്പിൽ രംഗത്തെത്തി. വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കവെ, പാലക്കാടിന്റെ മണ്ണും മനസും രാഹുലിനൊപ്പം ഉണ്ടാകുമെന്നും അഞ്ചക്ക ഭൂരിപക്ഷത്തോടെ വിജയിച്ച് നിയമസഭയിലെത്തുമെന്നും അദ്ദേഹം പ്രതീക്ഷ പ്രകടിപ്പിച്ചു.
നാടിന്റെ മതേതര ബോധത്തോട് ഒപ്പം സഞ്ചരിക്കാനെടുത്ത സന്ദീപിന്റെ തീരുമാനം ഇന്നത്തേക്കും 23-ാം തീയതിലേക്കും അതിന് അപ്പുറത്തേക്കും പ്രസക്തമാണെന്ന് ഷാഫി പറമ്പിൽ അഭിപ്രായപ്പെട്ടു. എൽഡിഎഫിന് തെരഞ്ഞെടുപ്പുമായി ബന്ധപ്പെട്ട എല്ലാ കാര്യങ്ങളിലും തിരിച്ചടിയാണ് ഉണ്ടായതെന്നും അദ്ദേഹം കൂട്ടിച്ചേർത്തു.
സിപിഐഎമ്മിന്റെ പ്രചാരണം ബിജെപിയെ സഹായിക്കുന്ന രീതിയിലാണെന്ന് ഷാഫി പറമ്പിൽ വിമർശിച്ചു. പ്രസംഗവും പ്രചാരണവും സംഘപരിവാർ ലൈനിലാണെന്നും അദ്ദേഹം ആരോപിച്ചു. ഇത്തരം പരസ്യം കൊണ്ടുവരുന്നവരെ സംബന്ധിച്ച് മാധ്യമസ്ഥാപനങ്ങൾ ജാഗ്രത കാണിക്കണമെന്നും ഷാഫി പറമ്പിൽ ആവശ്യപ്പെട്ടു.
Story Highlights: Shafi Parambil predicts big win for Rahul Mankootathil in Palakkad by-election
