Shafi Parambil backs Rahul Mamkootathil in Palakkad by-election

പാലക്കാട് മണ്ഡലത്തിലെ ഉപതെരഞ്ഞെടുപ്പിൽ യു.ഡി.എഫ് സ്ഥാനാർഥി രാഹുൽ മാങ്കൂട്ടത്തിലിന് പിന്തുണയുമായി എം.പി ഷാഫി പറമ്പിൽ രംഗത്തെത്തി. പാലക്കാട്ടെ കർഷകന്റെ ശബ്ദമായി രാഹുൽ മാങ്കൂട്ടത്തിൽ നിയമസഭയിലുണ്ടാവുമെന്ന് ഷാഫി പറമ്പിൽ ഫേസ്ബുക്കിൽ കുറിച്ചു. മന്ത്രിമാർ പോലും ഒരു ഉപതെരഞ്ഞെടുപ്പിൽ വിവാദങ്ങളിൽ അഭിരമിക്കേണ്ടി വരുന്നത് പാലക്കാട്ടെ സാധാരണക്കാരന്റെയും കർഷകന്റെയും ചോദ്യങ്ങൾക്ക് ഉത്തരമില്ലാത്തതുകൊണ്ടാണെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നെല്ല് സംഭരണം വൈകുന്നത് ഉൾപ്പെടെയുള്ള കർഷക പ്രശ്നങ്ങൾ ഉയർത്തി പാലക്കാട്ടെ യു.ഡി.എഫ്, എന്.ഡി.എ സ്ഥാനാർഥികൾ പ്രചരണം നടത്തി. ജനകീയ വിഷയങ്ങൾ ഉയർത്താൻ ആദ്യമേ ശ്രമിക്കുന്നുണ്ടെങ്കിലും ബോധപൂർവം വിവാദമുണ്ടാക്കാനായിരുന്നു സി.പി.ഐ.എമ്മിന്റെ താൽപര്യമെന്ന് രാഹുല് മാങ്കൂട്ടത്തില് പറഞ്ഞു. എം.പി മാരായ ഷാഫി പറമ്പിൽ, വി.കെ.ശ്രീകണ്ഠൻ എന്നിവർക്കൊപ്പം സ്ഥാനാർഥി രാഹുൽ മാങ്കൂട്ടത്തിലും കർഷക കോൺഗ്രസ് സംഘടിപ്പിച്ച ട്രാക്ടർ റാലിയിൽ പങ്കെടുത്തു.

നെൽ കർഷകരുടെ പ്രശ്നങ്ങൾ പരിഹരിക്കാൻ സമഗ്ര കാർഷിക പാക്കേജ് പ്രഖ്യാപിക്കണമെന്ന് ട്രാക്ടർ റാലി ഫ്ളാഗ് ഓഫ് ചെയ്ത കെ.മുരളീധരൻ ആവശ്യപ്പെട്ടു. കണ്ണാടി പാത്തിക്കലില് നിന്നാണ് എന്.ഡി.എ സ്ഥാനാര്ഥിയുടെ ട്രാക്ടര് റാലി തുടങ്ങിയത്. നെല്ല് സംഭരണം ആട്ടിമറിച്ച സർക്കാരിനെതിരെ കർഷക കോൺഗ്രസ്സ് സംഘടിപ്പിച്ച ട്രാക്ടർ മാർച്ചിൽ രാഹുലിനും വി.കെ. ശ്രീകണ്ഠനും ഒപ്പമുണ്ടായിരുന്നു.