SFI Protests Against Governor at Calicut University

കാലിക്കറ്റ് സർവകലാശാലയിൽ ഗവർണർ ആരിഫ് മുഹമ്മദ് ഖാനെതിരെ എസ്എഫ്ഐ പ്രതിഷേധം നടത്തി. ആരോഗ്യസർവകലാശാല വൈസ് ചാൻസലറായി ഡോ. മോഹനൻ കുന്നുമ്മലിനെ വീണ്ടും നിയമിച്ചതിനെതിരെയായിരുന്നു പ്രതിഷേധം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സനാതന ധർമ പീഠം ചെയറിന്റെ ശിലാസ്ഥാപനത്തിനായി ഗവർണർ ക്യാമ്പസിലെത്തിയപ്പോഴാണ് പ്രതിഷേധം നടന്നത്. ‘സംഘി ചാൻസലർ ഗോ ബാക്ക്’, ‘വി നീഡ് ചാൻസലർ, നോട്ട് സവർക്കർ’ എന്നീ ബാനറുകളുമായാണ് വിദ്യാർത്ഥികൾ പ്രതിഷേധിച്ചത്. ക്യാമ്പസുകളെ സംഘപരിവാറിന്റെ അധീനതയിലാക്കാനുള്ള ശ്രമങ്ങളാണ് ഗവർണറുടെ ഭാഗത്ത് നിന്നുണ്ടാവുന്നതെന്ന് വിദ്യാർത്ഥികൾ ആരോപിച്ചു.

പ്രതിഷേധക്കാരെ പൊലീസ് ബാരിക്കേഡുകൾ വച്ച് തടഞ്ഞു. എസ്എഫ്ഐയുടെ കേന്ദ്ര കമ്മറ്റി അംഗം ഇ അഫ്സലാണ് പരിപാടി ഉദ്ഘാടനം ചെയ്തത്. ഗവർണർ പ്രതികരിച്ചത്, എസ്എഫ്ഐ പ്രതിഷേധം നടത്തിക്കോട്ടെ, അത് താൻ ആസ്വദിക്കുന്നുവെന്നാണ്.

ബാനറുകൾ കെട്ടിക്കോട്ടെ, പക്ഷേ അക്രമം അംഗീകരിക്കാൻ കഴിയില്ലെന്നും അദ്ദേഹം പറഞ്ഞു. യൂണിവേഴ്സിറ്റികൾ പഠനത്തിനായുള്ളതാണെന്നും ഗവർണർ വ്യക്തമാക്കി. ചാൻസിലറായ ഗവർണർ അത്തരം പരിപാടികളുമായി മുന്നോട്ട് പോയാൽ ശക്തമായ പ്രതിഷേധവുമായി തങ്ങൾ മുൻ നിരയിൽ ഉണ്ടാകുമെന്നാണ് എസ്എഫ്ഐയുടെ നിലപാട്.

അയ്യപ്പ സംഗമം പ്രഹസനമായെന്ന് വി.ഡി. സതീശൻ; സർക്കാരിന് രാഷ്ട്രീയ ദുഷ്ടലാക്കെന്നും വിമർശനം

Story Highlights: SFI protests against Governor Arif Mohammed Khan at Calicut University over reappointment of Health University VC

എംഎസ്എഫ് ക്യാമ്പസ് കാരവൻ: അനുമതിയില്ലാതെ ആനയെ ഉപയോഗിച്ചെന്ന് പരാതി