SFI intensifies protest against Gurudeva College principal

കോഴിക്കോട് കൊയിലാണ്ടി ഗുരുദേവ കോളേജിൽ വീണ്ടും സംഘർഷം രൂക്ഷമാകുന്നു. പ്രിൻസിപ്പലിനെതിരെ എസ്എഫ്ഐ ശക്തമായ നിലപാട് സ്വീകരിച്ചിരിക്കുകയാണ്. പ്രിൻസിപ്പലിന്റെ ഏകാധിപത്യമാണ് എല്ലാ പ്രശ്നങ്ങളുടെയും കാരണമെന്ന് എസ്എഫ്ഐ യൂണിറ്റ് സെക്രട്ടറി വിമർശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രിൻസിപ്പലിനെ പുറത്താക്കണമെന്ന ആവശ്യവുമായി സമരം ശക്തമാക്കുമെന്ന് എസ്എഫ്ഐ അറിയിച്ചു. ഹെൽപ്പ് ഡെസ്ക് സ്ഥാപിക്കുന്നതുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. വിദ്യാർഥികൾ മർദിച്ചുവെന്ന് പ്രിൻസിപ്പലും, പ്രിൻസിപ്പലാണ് മർദിച്ചതെന്ന് എസ്എഫ്ഐ പ്രവർത്തകരും നൽകിയ പരാതികളിൽ അന്വേഷണം തുടരുകയാണ്.

പ്രിൻസിപ്പലിനോട് ചോദ്യം ചെയ്യലിന് ഹാജരാകാൻ പോലീസ് നോട്ടീസ് നൽകിയിരുന്നു. എന്നാൽ, പ്രിൻസിപ്പലിനെ അറസ്റ്റ് ചെയ്തുവെന്ന തെറ്റായ വാർത്ത പ്രചരിപ്പിച്ചതിനെതിരെ പ്രിൻസിപ്പൽ സുനിൽ ഭാസ്കരൻ സൈബർ സെല്ലിൽ പരാതി നൽകി. അതേസമയം, തിരുവനന്തപുരം കാര്യവട്ടം കാമ്പസിലെ എസ്എഫ്ഐ-കെഎസ്യു സംഘർഷത്തിൽ അന്വേഷണ കമ്മീഷൻ രജിസ്ട്രാർക്ക് റിപ്പോർട്ട് സമർപ്പിച്ചു.

ഷാഫി പറമ്പിലിനെ പരിഹസിച്ച് വി വസീഫ്; 'തോർത്തുമായി ഫോറൻസിക്കിലേക്ക് പോകേണ്ടി വരുമെന്ന്'

ക്യാമ്പസിൽ ഇടിമുറിയില്ലെന്നും, സിസിടിവി കേടായതിനാൽ സംഘർഷത്തിന്റെ ദൃശ്യങ്ങൾ ലഭിച്ചില്ലെന്നും റിപ്പോർട്ടിൽ പരാമർശമുണ്ട്. ഈ റിപ്പോർട്ട് രജിസ്ട്രാർ ഉടൻ വൈസ് ചാൻസലർക്ക് കൈമാറുമെന്നാണ് അറിയുന്നത്.

എലത്തൂർ പോലീസ് സ്റ്റേഷൻ ആക്രമണം; സർക്കാർ ജീവനക്കാരൻ അറസ്റ്റിൽ