സീതാറാം യെച്ചൂരിയുടെ അന്ത്യയാത്രയില്‍ സീമ ചിസ്തിയുടെ സാന്നിധ്യം ശ്രദ്ധേയമായിരുന്നു. വസന്ത് കുഞ്ചിലെ വീട്ടില്‍ നിന്ന് എകെജി ഭവനിലേക്കുള്ള യാത്രയിലും, മൃതദേഹം ചുമന്നുകൊണ്ടുപോകുന്നതിലും സീമ പങ്കാളിയായി. യെച്ചൂരിയുടെ ജീവിത പങ്കാളിയെന്നതിനപ്പുറം സമര സഖാവ് കൂടിയായിരുന്നു സീമ. അന്ത്യയാത്രയിലുടനീളവും എയിംസിന് മൃതദേഹം കൈമാറുന്നതുവരെയും അവര്‍ കൂടെയുണ്ടായിരുന്നു.
പ്രമുഖ മാധ്യമപ്രവര്‍ത്തകയും എഴുത്തുകാരിയുമായ സീമ ചിസ്തി, ദ വയറിന്റെ എഡിറ്ററാണ്. മുമ്പ് ബിബിസി ഹിന്ദി സര്‍വീസിന്റെ ഡല്‍ഹി എഡിറ്റര്‍, ഇന്ത്യന്‍ എക്‌സ്പ്രസിന്റെ റെസിഡന്റ് എഡിറ്റര്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്. സാമ്പത്തികമായി തന്നെ പിന്തുണയ്ക്കുന്ന ഭാര്യയെക്കുറിച്ച് യെച്ചൂരി സ്‌കൂപ്പ്വൂപ്പ് മീഡിയയ്ക്ക് നല്‍കിയ അഭിമുഖത്തില്‍ പരാമര്‍ശിച്ചിരുന്നു.
യെച്ചൂരിയുടെ ആഗ്രഹപ്രകാരം, മൃതദേഹം വൈദ്യപഠനത്തിനായി ഡല്‍ഹി എയിംസിന് കൈമാറാന്‍ കുടുംബം തീരുമാനിച്ചു. ഡല്‍ഹിയിലെ എകെജി ഭവനില്‍ നിന്ന് വന്‍ ജനാവലിയോടെയുള്ള വിലാപയാത്രയ്ക്ക് ശേഷമാണ് മൃതദേഹം എയിംസില്‍ എത്തിച്ചത്. സിപിഐഎം പിബി അംഗങ്ങള്‍, വിദ്യാര്‍ത്ഥികള്‍, പ്രവര്‍ത്തകര്‍ തുടങ്ങി വലിയൊരു ജനക്കൂട്ടം 14 അശോക റോഡിലേക്കുള്ള വിലാപയാത്രയില്‍ പങ്കെടുത്തു.
Story Highlights: Seema Chishti, prominent journalist and wife of Sitaram Yechury, accompanies him throughout his final journey, highlighting their strong partnership in life and politics.
