യൂറോ കപ്പ് 2024ന്റെ രണ്ടാം സെമിഫൈനലില്‍ ഇംഗ്ലണ്ട് നെതര്‍ലാന്‍ഡ്‌സിനെ തോല്‍പ്പിച്ച് ഫൈനലിലേക്ക് മുന്നേറി. ഒന്നിനെതിരേ രണ്ട് ഗോളുകള്‍ക്കായിരുന്നു ഇംഗ്ലീഷ് ടീമിന്റെ വിജയം. ഈ വിജയത്തോടെ തുടര്‍ച്ചയായ രണ്ടാം യൂറോ ഫൈനലിലേക്ക് ഇംഗ്ലണ്ട് എത്തുകയും ചെയ്തു.
90-ാം മിനിറ്റില്‍ പകരക്കാരനായി കളത്തിലിറങ്ങിയ ഒലി വാറ്റ്കിന്‍സാണ് ഇംഗ്ലണ്ടിന്റെ വിജയഗോള്‍ നേടിയത്. കോച്ച് ഗാരെത് സൗത്ത്ഗേറ്റിന്റെ ഉചിതമായ തീരുമാനമായിരുന്നു ഈ മാറ്റം. ഈ വിജയത്തോടെ വിദേശമണ്ണില്‍ ഒരു ടൂര്‍ണമെന്റിന്റെ ഫൈനലിലെത്തുന്ന ആദ്യ ഇംഗ്ലീഷ് ടീം എന്ന ചരിത്രവും ഇവര്‍ സ്വന്തമാക്കി.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
ഞായറാഴ്ച രാത്രി നടക്കുന്ന ഫൈനലില്‍ കരുത്തരായ സ്പെയിന്‍ ആണ് ഇംഗ്ലീഷ് സംഘത്തിന്റെ എതിരാളികള്‍. ഇരു ടീമുകളും കരുത്തരായതിനാല്‍ ആവേശകരമായ പോരാട്ടമാണ് ഫൈനലില്‍ പ്രതീക്ഷിക്കുന്നത്.
