Shirur Landslide: Search for Missing Kozhikode Native to Resume

കർണാടകയിലെ ഷിരൂരിൽ മണ്ണിടിച്ചിലിൽപ്പെട്ട് കാണാതായ കോഴിക്കോട് സ്വദേശി അർജുനായുള്ള തിരച്ചിൽ നാളെ പുനരാരംഭിക്കുമെന്ന് എം കെ രാഘവൻ എം പി അറിയിച്ചു. കർണാടക സർക്കാരും കാർവാർ എംഎൽഎ സതീഷ് കൃഷ്ണ സെയിലും ഇക്കാര്യം സ്ഥിരീകരിച്ചതായി അദ്ദേഹം ഫേസ്ബുക്കിലൂടെ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രദേശത്തെ കാലാവസ്ഥ മെച്ചപ്പെട്ട സാഹചര്യത്തിലാണ് തിരച്ചിൽ പുനരാരംഭിക്കുന്നത്. നേരത്തെ നാല് ദിവസത്തെ ഇടവേളയ്ക്ക് ശേഷം ഇന്നലെ തിരച്ചിൽ പുനരാരംഭിക്കുമെന്നായിരുന്നു പ്രതീക്ഷിച്ചിരുന്നത്.

എന്നാൽ അത് സാധ്യമാകാതെ വന്നു. തിരച്ചിൽ പുനരാരംഭിക്കുന്നതിനെക്കുറിച്ച് തങ്ങൾക്ക് അറിയിപ്പ് ലഭിച്ചില്ലെന്ന് അർജുന്റെ കുടുംബം പ്രതികരിച്ചതിന് പിന്നാലെയാണ് എം പി ഈ വിവരം പങ്കുവെച്ചത്.

ഗംഗാവാലി പുഴയിലെ അടിയൊഴുക്കിന്റെ ശക്തി കുറയുന്ന സാഹചര്യത്തിലാണ് തിരച്ചിൽ പുനരാരംഭിക്കുന്നതെന്ന് കർണാടക സർക്കാർ അധികൃതർ അറിയിച്ചു. അർജുനെയും മറ്റ് രണ്ട് കർണാടക സ്വദേശികളെയും കണ്ടെത്താൻ സാധിക്കുമെന്ന പ്രതീക്ഷ പ്രകടിപ്പിച്ച കാർവാർ എംഎൽഎ സതീഷ് കൃഷ്ണ സൈൽ, കാലാവസ്ഥ മെച്ചപ്പെട്ട സാഹചര്യത്തിൽ തിരച്ചിൽ വിജയകരമാകുമെന്ന് പ്രതീക്ഷിക്കുന്നതായി പറഞ്ഞു.

ബാംഗ്ലൂരിൽ ബൈക്ക് ടാക്സി സർവ്വീസുകൾക്ക് ആറാഴ്ചത്തേക്ക് നിരോധനം

Story Highlights: Search for Arjun in Shirur landslide to resume tomorrow as weather conditions improve Image Credit: twentyfournews

കർണാടകയിൽ ബസിൽ യുവതിയെ കൂട്ടബലാത്സംഗം ചെയ്ത മൂന്ന് പേർ അറസ്റ്റിൽ