Search for Arjun resumes in Shiroor amid challenges

കർണാടകയിലെ ഷിരൂരിൽ മണ്ണിടിച്ചിലിൽ കാണാതായ അർജുനായുള്ള തിരച്ചിൽ നാളെ പുനരാരംഭിക്കും. ഒരു ദിവസത്തെ ഇടവേളയ്ക്ക് ശേഷമാണ് തിരച്ചിൽ വീണ്ടും ആരംഭിക്കുന്നത്. കഴിഞ്ഞ ദിവസം നടത്തിയ തിരച്ചിലിൽ ട്രക്കിൽ മരത്തടികൾ ബന്ധിപ്പിക്കാൻ ഉപയോഗിച്ച കയറുകൾ കണ്ടെത്തിയ ഭാഗം കേന്ദ്രീകരിച്ചായിരിക്കും നാളത്തെ തിരച്ചിൽ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കയറും ലോഹ ഭാഗങ്ങളും കണ്ടെത്തിയ 20 മീറ്റർ ചുറ്റളവുള്ള സ്പോട്ട് നാവികസേന മാർക്ക് ചെയ്തിട്ടുണ്ട്. നേവി ഇന്നലെ നടത്തിയ തിരച്ചിലിലാണ് അര്ജുന്റെ ലോറിയില് തടി കെട്ടിയിരുന്ന കയര് കണ്ടെത്തിയത്. കയര് തന്റെ ലോറിയിലേതാണെന്ന് ഉടമ മനാഫും സ്ഥിരീകരിച്ചു.

എന്നാല് നേവി കണ്ടെത്തിയ യന്ത്രഭാഗങ്ങള് തന്റെ ലോറിയുടേത് അല്ലെന്നും അത് ഒലിച്ചുപോയ ടാങ്കറിന്റെതാകാമെന്നും മനാഫ് പറഞ്ഞു. തിരച്ചിലില് കണ്ടെത്തിയ ലോഹഭാഗങ്ങളുടെ ചിത്രങ്ങള് നേവി പങ്കുവച്ചു. പുഴയുടെ അടിത്തട്ടില് അടിഞ്ഞ് കൂടിയ മണ്ണും മരങ്ങളും പുഴയില് മുങ്ങിയുള്ള തിരച്ചിലിന് തടസം സൃഷ്ടിക്കുന്നുവെന്ന് കാര്വാര് എംഎല്എ സതീഷ് കൃഷ്ണ സൈല് പറഞ്ഞു.

അഞ്ച് മണിക്കൂര് നീണ്ട തിരച്ചില് ഒന്നും കണ്ടെത്താനായില്ലെന്നും പാറയും മണ്ണും തടസമാകുന്നുവെന്നും ഈശ്വര് മാല്പേ പ്രതികരിച്ചു. ഗോവയിൽ നിന്ന് തിങ്കളാഴ്ച്ചയോടെ ഡ്രഡ്ജർ എത്തിക്കുമെന്ന് ജില്ലാ ഭരണകൂടം അറിയിച്ചു. പുഴയിൽ മാർക്ക് ചെയ്ത ഭാഗത്തെ മണ്ണും കല്ലുകളും നീക്കം ചെയ്തില്ലെങ്കിൽ തിരച്ചിൽ ദുഷ്കരമാകുമെന്ന് ദൗത്യ സംഘം അറിയിച്ചിരുന്നു.

പ്രണയബന്ധത്തിൽ നിന്ന് പിന്മാറിയ പെൺകുട്ടിയെ തീകൊളുത്തി കൊന്നു; ആൺസുഹൃത്തിനെതിരെ കൊലക്കുറ്റം

Story Highlights: Search for Arjun resumes in Shiroor, Karnataka after landslide, focusing on area where truck ropes were found

രണ്ടുകോടി രൂപയുടെ കഞ്ചാവ് കേസ്: പ്രതി കർണാടകയിലും ലഹരി വിറ്റിരുന്നതായി കണ്ടെത്തൽ