Bangladesh PM faces criticism for weeping over damaged station

ബംഗ്ലാദേശിൽ വിദ്യാർത്ഥി പ്രക്ഷോഭത്തിനിടെ തകർന്ന റെയിൽവേ സ്റ്റേഷൻ കണ്ട് കരഞ്ഞ പ്രധാനമന്ത്രി ഷെയ്ഖ് ഹസീനയ്ക്കെതിരെ കടുത്ത വിമർശനം ഉയരുന്നു. സംഘർഷത്തിനിടെ കൊല്ലപ്പെട്ട 150 ഓളം വരുന്ന വിദ്യാർത്ഥികളടക്കമുള്ള ജനങ്ങളെ ഓർത്ത് സഹതപിക്കാതെ, റെയിൽവേ സ്റ്റേഷന് മുന്നിൽ നിന്ന് മുതലക്കണ്ണീരൊഴുക്കുന്നുവെന്നാണ് പ്രധാന വിമർശനം. 1971 ലെ യുദ്ധത്തിൽ പങ്കെടുത്ത സൈനികരുടെ മക്കൾക്ക് സർക്കാർ ജോലികളിൽ 30 ശതമാനം സംവരണം ഏർപ്പെടുത്തിയ തീരുമാനത്തിനെതിരെയാണ് അതിരൂക്ഷമായ സംഘർഷം നടന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മിർപൂറിലെ മെട്രോ റെയിൽ സ്റ്റേഷൻ സന്ദർശിച്ചപ്പോഴാണ് പ്രധാനമന്ത്രി കരഞ്ഞത്. ഇതിൻ്റെ ചിത്രങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെ വിമർശനം ശക്തമായി. മെട്രോ റെയിൽ സ്റ്റേഷൻ തകർത്ത നടപടിയെ നിശിതമായി വിമർശിച്ച പ്രധാനമന്ത്രി, ധാക്ക നഗരത്തിലെ ഗതാഗതക്കുരുക്കിനുള്ള പരിഹാരമായിരുന്നു മെട്രോ സ്റ്റേഷനെന്നും അത്യാധുനിക യാത്രാ സംവിധാനം തകർത്ത നടപടി അംഗീകരിക്കാനാവില്ലെന്നും പറഞ്ഞു.

എന്നാൽ, സംഘർഷത്തിനിടെ സുരക്ഷാ ഉദ്യോഗസ്ഥരുടെ വെടിയേറ്റ് യുവാക്കൾ കൊല്ലപ്പെട്ടതിൽ നിന്ന് ശ്രദ്ധ തിരിക്കാനുള്ള ശ്രമമാണിതെന്ന് വിമർശകർ ആരോപിക്കുന്നു. വിദ്യാർത്ഥി പ്രതിഷേധത്തെ അക്രമാസക്തമാക്കിയതിന് പിന്നിൽ തൻ്റെ രാഷ്ട്രീയ എതിരാളികളാണെന്ന് ഷെയ്ഖ് ഹസീന ആരോപിക്കുന്നു. രാജ്യത്ത് കർഫ്യൂ ഏർപ്പെടുത്താൻ താൻ നിർബന്ധിതയായെന്ന് അവർ വ്യക്തമാക്കിയിരുന്നു.

വി.വി. രാജേഷിനെതിരെ സാമ്പത്തിക തിരിമറി ആരോപണവുമായി പോസ്റ്ററുകൾ

മിർപൂറിലെ സ്റ്റേഷനിൽ ടിക്കറ്റ് വെൻഡിങ് മെഷീനുകൾ തകർക്കപ്പെടുകയും മെട്രോ റെയിൽ സിഗ്നലിങ് സംവിധാനം താറുമാറാവുകയും ചെയ്തിരുന്നു. ഈ സംഭവങ്ങൾ രാജ്യത്തെ രാഷ്ട്രീയ സാഹചര്യം കൂടുതൽ സങ്കീർണമാക്കിയിരിക്കുകയാണ്.

അമേരിക്കയിൽ പ്രതിഷേധിച്ചാൽ വിസ റദ്ദാക്കും; ഇന്ത്യൻ വിദ്യാർത്ഥികൾക്കും നടപടി