Kerala State School Sports Meet to be Renamed as School Olympics

സംസ്ഥാന കായികമേള ഇനി മുതൽ സ്കൂൾ ഒളിമ്പിക്സ് എന്ന പേരിൽ അറിയപ്പെടുമെന്ന് വിദ്യാഭ്യാസ മന്ത്രി വി. ശിവൻകുട്ടി അറിയിച്ചു. നാലു വർഷത്തിൽ ഒരിക്കൽ നടത്തുന്ന വിപുലമായ പരിപാടിയാക്കി മാറ്റാനാണ് തീരുമാനം. ഈ മേളയ്ക്ക് പ്രത്യേക ലോഗോ, തീം, ഗാനം എന്നിവയും ആലോചിക്കുന്നുണ്ട്. ഒളിമ്പിക്സ് മാതൃകയിൽ അല്ലാത്ത വർഷങ്ങളിൽ സാധാരണ പോലെ കായിക മേളയും നടക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വർഷത്തെ സ്കൂൾ കലോത്സവം ഡിസംബറിൽ തിരുവനന്തപുരത്ത് വെച്ച് നടക്കും. കലോത്സവത്തിന്റെ പുതുക്കിയ മാന്വൽ പ്രകാരമായിരിക്കും നടത്തുന്നത്. ഇത്തവണ തദ്ദേശിയ ജനതയുടെ (ഗോത്ര ജനത) കലകളും മത്സര ഇനമാവും. കഴിഞ്ഞ സംസ്ഥാന സ്കൂൾ കാലോത്സവത്തിൽ തദ്ദേശീയ ജനതയുടെ ഒരു കലാരൂപം ഉദ്ഘാടന സമ്മേളനത്തിന്റെ ഭാഗമായി അവതരിപ്പിച്ചിരുന്നു. പൊതുവിദ്യാഭ്യാസ വകുപ്പ് സംഘടിപ്പിക്കുന്ന മറ്റ് മേളകളുടെ വിശദാംശങ്ങളും മന്ത്രി പങ്കുവെച്ചു.

റ്റി. റ്റി. ഐ. , പി. പി.

റ്റി. റ്റി. ഐ. കലോത്സവം സെപ്തംബർ 4, 5 തീയതികളിൽ പത്തനംതിട്ട ജില്ലയിലും, സ്പെഷ്യൽ സ്കൂൾ കലോത്സവം സെപ്തംബർ 25, 26, 27 തീയതികളിൽ കണ്ണൂർ ജില്ലയിലും നടക്കും. ശാസ്ത്രമേള നവംബർ 14 മുതൽ 17 വരെ ആലപ്പുഴ ജില്ലയിലും, കരിയർ ഗൈഡൻസ് ദിശ എക്സ്പോ ഒക്ടോബർ 5 മുതൽ 9 വരെ തൃശൂർ ജില്ലയിലും സംഘടിപ്പിക്കും.

മുംബൈ ഭീകരാക്രമണം: ദാവൂദ് ബന്ധം അന്വേഷിക്കാൻ എൻഐഎ

സ്പോർട്സ് മേള ഒക്ടോബർ 18 മുതൽ 22 വരെ എറണാകുളം ജില്ലയിൽ നടക്കും. സംസ്ഥാന സ്കൂൾ കായികമേളയെ ഒളിംപിക്സ് മാതൃകയിൽ അത്ലറ്റിക്സും ഗെയിംസും ഒരുമിച്ച് സംഘടിപ്പിക്കുന്ന രീതിയിൽ മാറ്റാനുള്ള പ്രവർത്തനങ്ങൾ നടന്നു വരികയാണെന്നും മന്ത്രി അറിയിച്ചു. ഈ മാറ്റങ്ങൾ വിദ്യാർത്ഥികളുടെ കായിക, കലാ പ്രതിഭകളെ കൂടുതൽ പ്രോത്സാഹിപ്പിക്കുമെന്നും പ്രതീക്ഷിക്കുന്നു.

മാസപ്പടി വിവാദം: ബിനോയ് വിശ്വത്തിനെതിരെ വി ശിവൻകുട്ടി