Sanju Samson's Six Injures Spectator in India vs South Africa T20

ദക്ഷിണാഫ്രിക്കക്കെതിരായ നാലാം ട്വന്റി 20 മത്സരത്തിൽ സഞ്ജു സാംസണും തിലക് വർമയും ചേർന്ന് പ്രോട്ടീസുകളെ മാറി മാറി ബൗണ്ടറി കടത്തി. തുടർച്ചയായ രണ്ടു ഡക്കുകൾക്ക് ശേഷമായിരുന്നു വാണ്ടറേഴ്സിൽ സഞ്ജുവിന്റെ ഈ ബാറ്റിങ് വിരുന്ന്. ട്രിസ്റ്റൻ സ്റ്റബ്സ് എറിഞ്ഞ 10–ാം ഓവറിലെ ആദ്യ പന്ത് ലോങ് ഓണിനു മുകളിലൂടെ സിക്സർ പായിച്ചാണ് സഞ്ജു തന്റെ സെഞ്ച്വറി പൂർത്തിയാക്കിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, ഈ മത്സരത്തിനിടെ സഞ്ജു അടിച്ച പടുകൂറ്റൻ സിക്സർ ഗാലറിയിലിരുന്ന ഒരു യുവതിക്ക് പരുക്കേൽപ്പിക്കുകയുണ്ടായി. തൊട്ടുപുറകെ അടുത്ത പന്തും ഡീപ് മിഡ്വിക്കറ്റിനു മുകളിലൂടെ ഗാലറിയിലേക്ക് പായിച്ചു. പന്ത് ആദ്യം സുരക്ഷാ ജീവനക്കാരന്റെ ദേഹത്ത് കൊണ്ട ശേഷം കുതിച്ച് അടുത്ത് നിന്ന യുവതിയുടെ മുഖത്ത് പതിക്കുകയായിരുന്നു.

കണ്ണീരോടെ നിന്ന യുവതിയുടെ ദൃശ്യം സംപ്രേക്ഷണം ചെയ്തിരുന്നു. അടുത്ത് നിന്ന് ആരോ ഐസ് ക്യൂബ് എത്തിച്ചുകൊടുത്തതും അത് മുഖത്ത് അമർത്തിപിടിച്ച് നിൽക്കുന്ന യുവതിയുടെയും എന്തെങ്കിലും പറ്റിയോയെന്ന് സഞ്ജു അന്വേഷിക്കുന്ന ദൃശ്യവും സമൂഹമാധ്യമങ്ങളിൽ ഉടൻ വൈറലാവുകയും ചെയ്തു.

കേരള ക്രിക്കറ്റ് ലീഗ് താരലേലം നാളെ; സഞ്ജു സാംസണും ലേലത്തിന്

Story Highlights: Sanju Samson’s massive six injures spectator during India vs South Africa T20 match

കേരള ക്രിക്കറ്റ് ലീഗ് താരലേലം നാളെ; സഞ്ജു സാംസണും ലേലത്തിന്