Sanjay Bangar's Son Undergoes Gender Reassignment, Becomes Anaya

മുൻ ഇന്ത്യൻ ക്രിക്കറ്റ് താരവും ദേശീയ ടീമിന്റെയും വിവിധ ഐപിഎൽ ടീമുകളുടെയും ബാറ്റിങ് പരിശീലകനുമായിരുന്ന സഞ്ജയ് ബംഗാറിന്റെ മകൻ ആര്യൻ ബംഗാർ ലിംഗമാറ്റ ശസ്ത്രക്രിയയിലൂടെ സ്ത്രീയായി മാറി. ‘അനായ ബംഗാർ’ എന്ന പുതിയ പേരോടെ, തന്റെ മാറ്റത്തിന്റെ കഥ അവർ സമൂഹമാധ്യമങ്ങളിലൂടെ പങ്കുവച്ചു. ഇരുപത്തിമൂന്നുകാരനായ ആര്യൻ, ഹോർമോൺ റീപ്ലേസ്മെന്റ് തെറപ്പിക്കും വിധേയനായിരുന്നു. നിലവിൽ ഇംഗ്ലണ്ടിൽ ജീവിക്കുന്ന അവർ, മുൻപ് പ്രാദേശിക ക്രിക്കറ്റ് ക്ലബ്ബായ ഇസ്ലാം ജിംഖാനയ്ക്കായി കളിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

“കരുത്ത് അൽപം കുറഞ്ഞെങ്കിലും സന്തോഷമുണ്ട്. ശരീരം മാറ്റത്തിനു വിധേയമാകുന്നു. ഇനിയും ഏറെ ദൂരം പോകാനുണ്ട്. ഓരോ ചുവടു വയ്ക്കുമ്പോഴും, അത് യഥാർഥ എന്നിലേക്കുള്ള യാത്രയാകുന്നു,” എന്ന് അനായ സമൂഹമാധ്യമങ്ങളിൽ കുറിച്ചു. ഇന്ത്യയ്ക്കായി 12 ടെസ്റ്റുകളും 15 ഏകദിനങ്ങളും കളിച്ചിട്ടുള്ള പിതാവ് സഞ്ജയ് ബംഗാറാണ് തന്റെ പ്രചോദനമെന്നും അവർ പറഞ്ഞു. ചെറുപ്പം മുതലേ ക്രിക്കറ്റ് തന്റെ ജീവിതത്തിന്റെ ഭാഗമായിരുന്നുവെന്നും, അച്ഛനെ മാതൃകയാക്കിയെന്നും അനായ വെളിപ്പെടുത്തി.

വിവാദങ്ങൾക്കിടെ എമ്പുരാൻ 200 കോടി ക്ലബ്ബിൽ

എന്നാൽ, ട്രാൻസ് വുമൺ വിഭാഗത്തിലുള്ളവർക്ക് ക്രിക്കറ്റിൽ തുടരാൻ അനുകൂല സാഹചര്യമില്ലാത്തതിനാൽ വേദനയോടെ ക്രിക്കറ്റ് ഉപേക്ഷിക്കേണ്ടി വന്നതായി അനായ പറഞ്ഞു. ഇന്ത്യയ്ക്കായി കളിക്കുകയും പിന്നീട് ഇന്ത്യയെ പരിശീലിപ്പിക്കുകയും ചെയ്ത അച്ഛനെ മാതൃകയാക്കിയെങ്കിലും, ഇപ്പോൾ ക്രിക്കറ്റ് ഉപേക്ഷിക്കേണ്ടി വന്നത് വേദനാജനകമാണെന്നും അവർ കൂട്ടിച്ചേർത്തു.