Sandeep Varier welcomed to Congress by K Muraleedharan in Palakkad

കഴിഞ്ഞ ദിവസം ബിജെപി വിട്ട് കോൺഗ്രസിലെത്തിയ സന്ദീപ് വാര്യരെ സ്വീകരിച്ച് മുതിർന്ന കോൺഗ്രസ് നേതാവ് കെ മുരളീധരൻ ഷാൾ അണിയിച്ചു. പാലക്കാട് ശ്രീകൃഷ്ണപുരം പഞ്ചായത്ത് മൾട്ടിപർപ്പസ് സൊസൈറ്റിയുടെ പരിപാടിയിൽ ഇരുനേതാക്കളും ഒരേ വേദിയിലെത്തി. കാറിൽ നിന്നിറങ്ងിയ സന്ദീപ് മുരളീധരന്റെ അടുത്തേക്ക് ഓടിച്ചെന്ന് ഹസ്തദാനം ചെയ്ത് വണങ്ങി. തുടർന്ന് മുരളീധരൻ സന്ദീപിനെ ത്രിവർണ ഷാൾ അണിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സന്ദീപിനെ കോൺഗ്രസിലേക്ക് സ്വീകരിച്ചതിനെതിരെ പരോക്ഷ വിമർശനം ഉന്നയിച്ചതിന് പിന്നാലെയാണ് കെ മുരളീധരൻ സന്ദീപ് വാര്യരുമായി വേദി പങ്കിട്ടത്. സ്നേഹത്തിന്റെ കടയിലേക്ക് താൻ വന്നിരിക്കുന്നുവെന്ന സന്ദീപിന്റെ പ്രസ്താവനയ്ക്ക് പിന്നാലെ, തമാശയായി മുരളീധരൻ വെറുപ്പിന്റെ ഫാക്ടറിയിലേക്ക് തിരികെ പോകരുതെന്ന് ഓർമിപ്പിച്ചു. ഈ മഞ്ഞുരുകലിനെ കോൺഗ്രസ് നേതാക്കൾ കയ്യടിച്ച് സ്വാഗതം ചെയ്തു.

സന്ദീപ് വാര്യരെ നേരിട്ട് കണ്ടിട്ട് പോലുമില്ലെന്നും രണ്ട് കാര്യങ്ങൾ കൊണ്ടാണ് സന്ദീപിന്റെ വരവിനെ എതിർത്തിരുന്നതെന്നും കെ മുരളീധരൻ മുൻപ് മാധ്യമങ്ങളോട് വ്യക്തമാക്കിയിരുന്നു. രാഹുൽ ഗാന്ധിയെ വ്യക്തിപരമായി വിമർശിച്ചതും ഗാന്ധിവധത്തെ കുറിച്ച് പറഞ്ഞതുമാണ് അതിൽ പ്രധാനം. അല്ലാതെ തനിക്ക് സന്ദീപ് വാര്യരുമായി പ്രശ്നമില്ലെന്നും ടിവിയിലൂടെയാണ് സന്ദീപിന്റെ വരവ് അറിഞ്ഞതെന്നും കെ മുരളീധരൻ കഴിഞ്ഞ ദിവസം പ്രതികരിച്ചിരുന്നു.