Samsung S27 Ultra: No Bluetooth S Pen, says report

സാംസങ് എസ് 27 അൾട്രയിൽ ബ്ലൂടൂത്ത് എസ് പെൻ ഉണ്ടാകില്ല. ഗാലക്സി എസ് സീരീസ് ഉപയോക്താക്കളുടെ ഇഷ്ട ഉപാധിയായിരുന്ന എസ് പെന്നിന്റെ ബ്ലൂടൂത്ത് ഫീച്ചറുകളാണ് സാംസങ് എടുത്തു കളയുന്നത്. സ്ക്രീനിൽ എഴുതാനും മറ്റ് ടച്ച് സ്ക്രീൻ പ്രവർത്തികൾക്കും സെൽഫികൾ എടുക്കാനുമെല്ലാം ഈ പെൻ ഉപയോഗിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചൈനീസ് ടെക് ലീക്കറായ സെറ്റ്സുന ഡിജിറ്റലാണ് ഇതുമായി ബന്ധപ്പെട്ടുള്ള റിപ്പോർട്ട് പുറത്തുവിട്ടത്. സാംസങ് ഗാലക്സി എസ് സീരീസിൽ ഫോണിന്റെ കൂടെ എസ് പെൻ ഇൻബിൽറ്റായി ലഭിച്ചിരുന്നത് ഇനി ലഭ്യമല്ല. ഗാലക്സി നോട്ട് സീരീസിലൂടെയാണ് എസ് പെൻെറ വരവ് അറിയിച്ചത്.

ഗാലക്സി നോട്ട് സീരീസ് സാംസങ് നിർത്തലാക്കിയപ്പോൾ എസ് പെൻ ഗാലക്സി എസ് അൾട്രയിലേക്ക് മാറ്റിയിരുന്നു. ഇത് നോട്ടിനും, എസ് ഫ്ലാഗ്ഷിപ്പിനുമിടയിലുള്ള മിശ്രിതമായിരുന്നു. എസ് പെന്നുകൾ അധികം ആളുകൾ ഉപയോഗിക്കില്ലെങ്കിലും, ഒരു ഷോ ഓഫ് കാണിക്കാൻ ഇത് ധാരാളമായിരുന്നു. സാംസങ് എസ് സീരീസിൽ പുറത്തിറങ്ങുന്ന പുതിയ ഫോണുകളിൽ ഈ സൗകര്യം ഉണ്ടാകില്ല.

ALSO READ: വിയർപ്പും വെള്ളവും ഇനി പ്രശ്നമല്ല; അത്ലറ്റുകൾക്കായി മെറ്റാ ഓക്ലി സ്മാർട്ട് ഗ്ലാസുകൾ ഇതാ

എസ് പെന്നിന്റെ ബ്ലൂടൂത്ത് ഫീച്ചറുകൾ നീക്കം ചെയ്യുന്നതിലൂടെ ഉപയോക്താക്കൾക്ക് സെൽഫി എടുക്കുന്നതിനുള്ള സൗകര്യം നഷ്ടമാകും. ഗാലക്സി എസ് 27 അൾട്രോ മുതലായിരിക്കും ഈ മാറ്റം നിലവിൽ വരുന്നത് എന്നാണ് സൂചന.

നിലവിൽ ഗാലക്സി Z ഫോൾഡ് ഫോണുകളിൽ എസ് പെൻ ഉപയോഗിക്കാൻ കഴിയുമെങ്കിലും, ഇത് പ്രത്യേകമായി വാങ്ങേണ്ടി വരും. സമാനമായ രീതിയിൽ എസ് അൾട്രയ്ക്ക് വേണ്ടിയും എസ് പെൻ പ്രത്യേകം വിൽക്കാനാണ് കമ്പനിയുടെ ഇപ്പോഴത്തെ പദ്ധതി എന്നാണ് സെറ്റ്സുന ഡിജിറ്റൽ നൽകുന്ന സൂചന.

ഇൻബിൽറ്റ് എസ് പെൻ ഉണ്ടാകില്ലെങ്കിലും, എസ് പെന്നുകൾ എസ് അൾട്രോയ്ക്ക് വേണ്ടി പ്രത്യേകം വിൽക്കാനുള്ള സാധ്യതകളുണ്ട്. ഗാലക്സി എസ് 27 അൾട്രോയിൽ ഈ മാറ്റം വരുത്തുന്നതിലൂടെ, ബ്ലൂടൂത്ത് ഫീച്ചറുകളുള്ള എസ് പെന്നുകൾ ഇനി ലഭ്യമല്ല.

Story Highlights: Samsung is reportedly removing Bluetooth features from the S Pen in its upcoming S27 Ultra series.

സാംസങ് ഗാലക്സി F17 5G ഇന്ത്യയിൽ അവതരിപ്പിച്ചു; വിലയും സവിശേഷതകളും അറിയാം