സാമ്രാജ്യം വീണ്ടും വെള്ളിത്തിരയിലേക്ക്; 4K ഡോൾബി അറ്റ്മോസ് പതിപ്പ് 2025ൽ

തിയേറ്ററുകളിൽ ആവേശം നിറച്ച “ഒറ്റി കൊടുത്താൽ കിട്ടുന്ന നക്കാപിച്ച കാശിനായിരുന്നെങ്കിൽ ഞാൻ അത് പിച്ചയായിട്ട് തരുമായിരുന്നു” എന്ന ഡയലോഗ് വീണ്ടും ബിഗ് സ്ക്രീനിൽ എത്തുന്നു. സാമ്രാജ്യത്തിന്റെ 4K ഡോൾബി അറ്റ്മോസ് പതിപ്പ് വീണ്ടും റിലീസിനൊരുങ്ങുകയാണ്. മമ്മൂട്ടിയുടെ സ്റ്റൈലിഷ് ലുക്കും, ശ്രദ്ധേയമായ സംഭാഷണങ്ങളും, സ്ലോമോഷൻ രംഗങ്ങളും ഈ ചിത്രത്തെ ഏറെ ജനപ്രിയമാക്കി. സാമ്രാജ്യം സിനിമയുടെ 4കെ ഡോൾബി അറ്റ്മോസ് പതിപ്പിനായുള്ള പ്രവർത്തനങ്ങൾ നടന്നുകൊണ്ടിരിക്കുകയാണ്. ഈ സിനിമ 2025 സെപ്റ്റംബറിൽ റീ-റിലീസ് ചെയ്യാനാണ് നിലവിൽ പ്രതീക്ഷിക്കുന്നത്.

സാമ്രാജ്യം സിനിമയുടെ പോസ്റ്റർ 1990 ജൂൺ 22-ന് റിലീസ് ചെയ്ത സാമ്രാജ്യം കേരളത്തിൽ മാത്രമല്ല, തമിഴ്നാട്, ആന്ധ്ര, കർണാടക എന്നിവിടങ്ങളിലും നൂറിലധികം ദിവസങ്ങളിൽ പ്രദർശിപ്പിച്ചു. ഗാനങ്ങളില്ലാതെ ഇളയരാജയുടെ പശ്ചാത്തല സംഗീതം ഈ സിനിമയുടെ പ്രധാന ആകർഷണമായിരുന്നു. അജ്മൽ ഹസനായിരുന്നു ഈ സിനിമ നിർമ്മിച്ചത്. ഷിബു ചക്രവർത്തി തിരക്കഥ എഴുതി ജോമോൻ സംവിധാനം ചെയ്ത ചിത്രമാണ് സാമ്രാജ്യം. അതിനാൽ തന്നെ സാമ്രാജ്യം സിനിമയുടെ രണ്ടാം വരവിനായുള്ള കാത്തിരിപ്പിലാണ് സിനിമാ പ്രേമികൾ. പുതിയ സാങ്കേതികവിദ്യയിൽ പുറത്തിറങ്ങുന്ന ഈ സിനിമ കൂടുതൽ മികച്ച അനുഭവം നൽകുമെന്നാണ് പ്രതീക്ഷിക്കുന്നത്. അതിനാൽ തന്നെ അന്നത്തെ തിയേറ്റർ അനുഭവം പുതിയ തലമുറയ്ക്കും ആസ്വദിക്കാനാകും. ഈ സിനിമയുടെ റീ റിലീസിലൂടെ മമ്മൂട്ടിയുടെ കരിയറിലെ ഒരു നാഴികക്കല്ല് വീണ്ടും ആഘോഷിക്കപ്പെടുകയാണ്. സാമ്രാജ്യത്തിന്റെ വരവിനായി സിനിമാപ്രേമികൾ കാത്തിരിക്കുന്നു. Story Highlights: The 4K Dolby Atmos version of ‘Samrajyam’, which created a stir in theaters, is getting ready for re-release.