Samasta Mushavara Meeting: Internal Disputes Lead to Special Session

സമസ്തയുടെ മുശാവറ യോഗത്തിൽ അഭിപ്രായ ഭിന്നതകൾ രൂക്ഷമായി. സാദിഖലി തങ്ങൾക്കെതിരെ പരാമർശം നടത്തിയ ഉമർ ഫൈസി മുക്കത്തെ ചർച്ചയിൽ നിന്ന് മാറ്റി നിർത്തണമെന്ന ആവശ്യം ഉയർന്നതോടെയാണ് വാക്കേറ്റം ഉണ്ടായത്. എന്നാൽ, തനിക്കും വിഷയത്തിൽ അഭിപ്രായം പറയാനുണ്ടെന്ന് ഉമർ ഫൈസി നിലപാട് എടുത്തതോടെ സംഘർഷം രൂക്ഷമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തർക്ക വിഷയങ്ങൾ ചർച്ച ചെയ്യാൻ രണ്ടാഴ്ചയ്ക്കകം പ്രത്യേക മുശാവറ ചേരുമെന്ന് അധ്യക്ഷൻ ജിഫ്രി മുത്തുക്കോയ തങ്ങൾ വ്യക്തമാക്കി. സമസ്ത മുശാവറയിൽ നിന്ന് അധ്യക്ഷൻ ഇറങ്ങിപ്പോയി എന്ന വാർത്ത സംഘടന നിഷേധിച്ചു. സമയക്കുറവ് മൂലം മറ്റ് അജണ്ടകൾ ചർച്ച ചെയ്യാൻ പ്രത്യേക യോഗം ചേരാൻ തീരുമാനിച്ചതാണെന്ന് സമസ്ത വിശദീകരിച്ചു.

ഖാസി ഫൗണ്ടേഷൻ രൂപീകരണവുമായി ബന്ധപ്പെട്ട് പാണക്കാട് സാദിഖലി ശിഹാബ് തങ്ങളെ അധിക്ഷേപിച്ചു എന്ന ആരോപണത്തിൽ ഉമർ ഫൈസിക്കെതിരെ നടപടി വേണമെന്ന ആവശ്യം ശക്തമായി ഉയർന്നു. സമാന്തര സംഘടന രൂപീകരിച്ചത് അച്ചടക്കലംഘനമാണെന്ന് ഉമർ ഫൈസി മുക്കം അഭിപ്രായപ്പെട്ടു. ആദർശ സംരക്ഷണ സമിതി രൂപീകരിച്ചവർക്കെതിരെയും മലപ്പുറത്തെ സമവായ ചർച്ച ബഹിഷ്കരിച്ചവർക്കെതിരെയും നടപടി വേണമെന്ന ആവശ്യവും ഉയർന്നു.

മാസപ്പടി കേസ്: മുഖ്യമന്ത്രി രാജിവയ്ക്കണമെന്ന് എം.എം. ഹസ്സൻ

ഇസ്ലാമിക് കോളേജുകളുടെ കൂട്ടായ്മയായ സി ഐ സി യിലെ വിഷയങ്ങളും ചർച്ച ചെയ്തു. സമസ്തയെ അംഗീകരിക്കാത്ത പക്ഷം സിഐസിയുമായി സമസ്തക്ക് ബന്ധമില്ലെന്നും മുനമ്പം വിഷയത്തിൽ രേഖകൾ പരിശോധിച്ച് തുടർനടപടി സ്വീകരിക്കുമെന്നും ജിഫ്രി മുത്തുകോയ തങ്ങൾ വ്യക്തമാക്കി. ഒടുവിൽ തുടർന്നുള്ള ചർച്ചകൾ അവസാനിപ്പിച്ച് മുശാവറ പിരിഞ്ഞു.

Story Highlights: Samasta Mushavara meeting sees heated arguments over internal disputes

സമസ്തയിൽ ശുദ്ധീകരണം ആവശ്യമില്ല: ജിഫ്രി മുത്തുക്കോയ തങ്ങളുടെ മറുപടി