ഇന്ത്യൻ സിനിമാ ലോകത്തെ നായികമാരുടെ ജനപ്രീതിയിൽ വീണ്ടും ഒന്നാം സ്ഥാനത്ത് സാമന്ത എത്തിയിരിക്കുന്നു. പ്രമുഖ മീഡിയ റിസർച്ച് ആൻഡ് അനലിറ്റിക്‌സ് സ്ഥാപനമായ ഓർമാക്‌സ് മീഡിയ പുറത്തുവിട്ട ഒക്ടോബർ മാസത്തെ പട്ടികയിലാണ് സാമന്ത ഈ നേട്ടം കൈവരിച്ചത്. രണ്ടാം സ്ഥാനത്ത് ആലിയ ഭട്ടും മൂന്നാം സ്ഥാനത്ത് നയൻ‌താരയുമാണ്.
ദീപിക പദുക്കോൺ നാലാം സ്ഥാനത്തും തൃഷ അഞ്ചാം സ്ഥാനത്തുമാണ് ഈ പട്ടികയിൽ ഇടംപിടിച്ചിരിക്കുന്നത്. കാജല്‍ അഗര്‍വാള്‍, ശ്രദ്ധ കപൂർ, സായ് പല്ലവി, രശ്‌മിക മന്ദാന, കത്രീന കൈഫ് എന്നിവർ യഥാക്രമം ആറ് മുതൽ പത്ത് വരെയുള്ള സ്ഥാനങ്ങൾ കരസ്ഥമാക്കി. സെപ്റ്റംബർ മാസത്തെ പട്ടികയിലും സാമന്ത തന്നെയായിരുന്നു മുന്നിൽ.
നയൻ‌താര സെപ്റ്റംബർ മാസത്തെ പട്ടികയിൽ നാലാം സ്ഥാനത്തായിരുന്നെങ്കിൽ ഈ മാസം മൂന്നാം സ്ഥാനത്തേക്ക് ഉയർന്നിട്ടുണ്ട്. തൃഷയുടെ കാര്യത്തിൽ സെപ്റ്റംബറിലെയും ഒക്ടോബറിലെയും സ്ഥാനം അഞ്ചാമതായിരുന്നു. കഴിഞ്ഞ മാസത്തെ പട്ടികയിൽ പത്താം സ്ഥാനം ബോളിവുഡ് നടി കിയാര അദ്വാനിക്കായിരുന്നു എന്നത് ശ്രദ്ധേയമാണ്.
Story Highlights: Samantha tops popularity list among Indian actresses in October, followed by Alia Bhatt and Nayanthara
