നടൻ സലിംകുമാറിന്റെ ജന്മദിനത്തിൽ പങ്കുവച്ച ഫേസ്ബുക്ക് പോസ്റ്റ് സമൂഹമാധ്യമങ്ങളിൽ വലിയ ചർച്ചയായി മാറിയിരിക്കുകയാണ്. “ആയുസിന്റെ സൂര്യന്‍ പടിഞ്ഞാറോട്ട് ചരിഞ്ഞു കഴിഞ്ഞു. അസ്തമയം വളരെ അകലെയല്ല” എന്ന പോസ്റ്റാണ് ആരാധകരെ ആശങ്കയിലാക്കിയത്. താരത്തിന് എന്തെങ്കിലും അസുഖമുണ്ടോയെന്ന് അറിയാൻ നിരവധി കമന്റുകളാണ് ഫേസ്ബുക്കിൽ വന്നത്.
ഇതിനെ തുടർന്ന് ഒരു മാധ്യമത്തിന് നൽകിയ അഭിമുഖത്തിൽ സലിംകുമാർ കൂടുതൽ വിശദീകരണം നൽകി. 50 വയസ് കഴിഞ്ഞാൽ വാർദ്ധക്യമായെന്നും മറ്റെല്ലാവരെയും പോലെ മരണത്തിന്റെ നിഴലിൽ തന്നെയാണ് താനെന്നും താരം വ്യക്തമാക്കി. ജന്മദിനം വൈകാരികമാണെന്നും ഒരു വയസ് കൂടി കൂടുന്നതിനെക്കുറിച്ചും അദ്ദേഹം പറഞ്ഞു.
54 വയസ് കഴിഞ്ഞ് 55 വയസിലേക്ക് യാത്ര തുടരുകയാണെന്ന് സലിംകുമാർ പറഞ്ഞു. മറ്റെല്ലാവരെയും പോലെ മരണചിന്ത തനിക്കുമുണ്ടെന്നും 50 വയസ് കഴിഞ്ഞാൽ വാർധക്യമായി മരണത്തിലേക്കുള്ള യാത്രയിലാണെന്നും താരം കൂട്ടിച്ചേർത്തു. എല്ലാവരും അങ്ങനെ തന്നെയാണെന്നും അദ്ദേഹം പറഞ്ഞു.
Story Highlights: Actor Salim Kumar’s Facebook post on his birthday sparks discussion about aging and mortality
